الرئيس على فراش الموت و إليكم الحوار كاملا

[Knight]

الرئيس على فراش الموت و إليكم الحوار كاملا


التفت الأسرة حول فراش الزعيم وهو يلفظ أنفاسه الأخيرة .... قال الزعيم بصوت ضعيف ولكنه حازم فى نفس الوقت :

حسنى: كلكم موجودين
سوزان: أيوه ياحسنى ... أنا جنبك أهه ... وأدى جمال وعلاء ...
قمرين دول ولا عينين
حسنى: طب اسمعوا اللى حقوله كويس
جمال: سامعينك يابابا ... إتكلم
حسنى: مصر دى كنز ياولاد ... إمكسوا فيها بإيديكم وسنانكم ...
بنسرق فيها بقالنا سنين وسنين ولسه بتدينا
علاء: هيا دى البركة اللى بيقولوا عليها يا بابا
حسنى: أيوه يابنى .... ربنا يبارك لكم ولعيالكم فيها ... ودلوقتى
اسمعونى
علاء: انت على الهوا يا بابا ... إتكلم
حسنى: أنا مش مديون لحد ياولاد ... يعنى أى واحد يصيع عليكم ويقول لكم
أبوكم كان مستلف منى فلوس تفوا فى وشه على طول
علاء: اطمن يابابا ... حرامى على حرامى ما يلعبش
حسنى: أنا سيبت لكم ياولاد اللى يكفيكم إنتوا وعيالكم وعيال عيالكم
ويفيض ... فلوس متلتلة متتعدش .... مش حقول لكم حافظوا عليها وبس
لألألألأ ... زودوها كمان وكمان لجل ما روحى ترتاح وأنا فى تربتى
جمال: هيا الفلوس اللى إنته عملتها يابابا دى بتسميها فلوس .... شفنى أنا وعلاء حنعمل إيه .... ولا صحيح حتشوفنا إزاى .... عموماً ما تقلقش
حسنى: ودلوقتى إسمعوا وصيتى ..... الحكم لأولاد مبارك ... لازم أول ماجمال يحلف اليمين تغيروا إسم مصر وترجعوه زى ما كان زمان أيام الملكفاروق والملكة نازلى (المملكة المصرية)
جمال: مفهوم يابابا ... خش فى اللى بعده
حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً
علاء: مفهوم برده ... اللى بعده .... ياساتر ده إنته ملل
سوزان: عيب ياعلاء لما تكلم أبوك كده
علاء: بهزر ياماما
حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى
سوزان: هرم !!!!!!! .... هيا دى آخرة صبرى !!! ...... وده يسوى كام ده
علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
سوزان: مش حرضى بأقل من التلات أهرامات وأبو الهول

حسنى: مش خسارة فيكى ياغالية .... أثار النوبة لعلاء .... والأقصر لجمال ... ودلوقتى نيجى للميه .... الساحل الشمالى لعلاء والبحر الأحمر لجمال وقناةالسويس تخصصوا دخلها صدقة جارية على روحى
سوزان: انت أكيد مخبول ... مليار ونص دولار صدقة جارية على روحك
جمال: ما تاخديش على كلامه ياماما .... ده يبقى كتير لو طلعنا
100ولا200 جنيه على روحه للفقرا
علاء وهو يمسك بالألة الحاسبة: ممكن نطلع لحد ألف جنيه ياجمال
السيولة تسمح
حسنى: اوعوا تفرطوا فى حبيب العادلى من بعدى ياولاد ... حبيب قلبه ميت وإيده طرشه ... وهوه ده اللى ينفع مع الغجر اللى هنا
جمال: بس ما بيعجبنيش شنبه يا بابا
حسنى: إنت مالك ومال أم شنبه ..... إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً
حسنى: الشيخ طنطاوى ياولاد راجل بركة ..... يمين يمين شمال شمال
اوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
علاء: ولا يهمك يا بابا .... حخلى أنكل كمال الشاذلى يصلى عليك
حسنى: والله لو عملتها ياعلاء لكون متبرى منك إلى يوم الدين
علاء: بهزر معاك يا بابا ..... أنكل كمال مش حافظ الفاتحة
حسنى: المشير طنطاوى ياولاد ..... مش حوصيكم عليه ..... الراجل ده عامل زى الست المستحية .... حاطط وشه فى الأرض على طول وعمره ما
استجرى يرفع عينه فيا ... وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفنى ما يقوليش غير ياست هانم
ابقى خليه معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها
علاء وهو يمسك بالآلة الحاسبة: هوه حيكلفنا كتير ... لكن ممكن فى
الآخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا
حسنى: عايز أحلى مدفع يشيل النعش ياولاد
جمال: مدفع رشاش
سوزان: الهزار مش فى الحاجات دى ياجمال
جمال: آسف ياماما
حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى
حسنى: لأ كلها براغيت ياعلاء .... واسم شرم الشيخ كمان أشيك بكتير

شوفتوا الرئيس بيقسم بالعدل الزاىىىى كل واحد خد حتة من التركة

(منقول)

[ابن البلد]

ههههههههههههههههههههههههههه حلوة القصه دى وربنا يسمع منك انا انا افتكرتها حقيقه من الاول

تسلم ايدك يا جميل

[أحمد يونس]

حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى
حسنى: لأ كلها براغيت ياعلاء .... واسم شرم الشيخ كمان أشيك بكتير

شوفتوا الرئيس بيقسم بالعدل الزاىىىى كل واحد خد حتة من التركة

(منقول)


ههههههههههههههههههههههههههه
مين اللي عرفك كفر المصيلحة دي .. أكيد انت سمعت أغنية لطيفة ...
الأهم بقى .. مين اللي عرفك إن كفر المصيلحة فيها براغيت .... :^ :^ :^
شكلك منوفي أصييييييييييييييييييييييييييييل
:012:
:012: :012:

[كريم]

:001::001::001::001:

يا حبيبى يا جدو حسنى

:001::001::001::001:

[sa3ed]

باي باي حسني:013::013::013:
جهنم وبئس المصير:@:@:@:@:@:@

[احمد شوشه]

هههههههههههههههههههههه

انتو بتهزروا

هو في ريس بيموت