استبيان حول المشاركة السياسية فى مصر

[داليا الشيمى]

السادة الزملاء .. السيد الفاضل / حسام خلف .. السيد الفاضل / أحمد يونس ..

السلام عليكم

هذا هو الاستبيان المقترح للدراسة .. خشيت أن ينسى ضمن المشاركات فى موضوع " إن لم نكن نهتم " ثم تلوموننى على التأخير .. فوضوعته فى عنوان خاص .. وموضوع جديد .. تفضلوا حضراتكم .. بقراءته والتعليق عليه .. كذلك قراءة مشاركة إن لم نكن نهتم .. ولباقى الزملاء المشاركة معنا بالتعديل أو الحذف ..

ومن لم يعرف عليه بقراءة الموضوع كاملة هناك .


استبيان حول المشاركة السياسية فى مصر

الهدف من الاستبيان أو الدراسة :

معرفة بعض المعلومات حول الحياة السياسية فى حياة الشاب المصرى .. والعوامل التى تؤثر على مشاركته السياسية .. والتعرف على تصوره ودرايته بالأحزاب السياسية فى مصر ..

1- هل تسمع عن الأحزاب السياسية فى مصر ؟

نعم .. لا

2- ماهى الأحزاب التى تسمع عنها ؟ اذكر أسمائها ..

*
*
*

3- هل ترى ضرورة وجود أحزاب أخرى غير الحزب الحاكم ؟

نعم ... لا ..


4- هل ترى أن هذه الأحزاب يمكن أن تحقق نجاحاً أو تحقق تغيير سياسى فى مصر ؟

نعم .. لا

5- فى رأيك ما الذى نحتاجة من هذه الأحزاب ؟
*
*
*
*
*

6- ما الذى يمكن أن يدفعك للانضمام لحزب ؟
*
*


7- تفتكر ايه الى ممكن يجعل الناس لا تقبل على الانضمام لهذه الأحزاب ؟
*
*
*
*

8- هل أنت منتمى لحزب من الأحزاب السياسية ؟ وما هو ؟

نعم .. لا ..

9- إذا كانت الاجابة بنعم .. ما الذى دفعك للانضمام لهذا الحزب دون غيره ؟

إذا كانت الإجابة بلا .. لماذا لم تنتمى لحزب .. اذكر السبب .. ؟


10-ما الذى تتوقع أن تفيدك فيه هذه الأحزاب ؟
*
*
*

إذا كان لك الحرية أن تكون حزب .. ما هو الأساس الذى ستقيم عليه حزبك ؟

.................................................. ..........................

وماهى القواعد الأساسية التى ستسعى لوجودها داخل حزبك لتجمع الناس حولك ؟
*
*
*

[أحمد يونس]

يا دكتورة داليا أقترح نقل هذا الموضوع الى منتدى الدراسات السياسية لأنه نقاش دائر وأعتقد أن هذا محله الدراسات السياسية وليس الخواطر ... أعتقد :^

[داليا الشيمى]

أهلا يا أستاذ أحمد .. أنا محبتش أضعه فى قسم الدراسات حتى يكتمل بعد تجميع أرائكم ...


ووضعته هنا فى موضوع مستقل لأننى أرسلت رد من قبل ولم تقرأونه وإعتقدتم اننى تاخرت .. فحاولت أن أجد مكان ظاهر ... وفى نفس الوقت له صلة بالموضوع فكان .. خواطر سياسية ..

ثم أنا لم أنشره بعد .. لاننا لم نتناقش فيه .. ولكنى اقترحت لو أن أحداً من الزملاء له وجهة نظر ربما يشاركنا برأيه ..

[أحمد يونس]

ما زلت مصرا على رأيي مكان هذا الموضوع الدراسات السياسية فالاعداد للدراسة جزء لا يتجزأ من الدراسة نفسها ... ودعونا نلتزم بالأقسام المحددة للمنتدى ... فالخواطر السياسية قسم ليعبر الأعضاء فيه عن ما يجيش بصدورهم عن الأمور السياسية بتلقائية وحرية ... وليس المكان المانسب للاعداد للدراسات العلمية ... هذا رأيي ... وأرجو أن يدلي كل عضو بدلوه في هذا الموضوع

[د. السيد عمر سليم]

د. داليا

إستبيان جيد ومفيد. وسيكون أكثر فائدة إذا تمكنت من الحصول على 100 مصوت أوأكثر من خارج حزب الوسط ( ويفضل شريحة عشوائية من الشارع المصرى).

وياريت تضيفى السؤال التالى:

هل هناك داعى لوجود الأحزاب عموما؟

مع أطيب تمنياتى

[داليا الشيمى]

د/ السيد عمر

السلام عليكم
شكراً لمشاركة حضرتك ورأيك أسعدنى يارب ان شاء الله نقدر .. وطبعاً يمكن إضافة السؤال الذى وضعته حضرتك فهو مهم وسوف يضيف لنتائجنا .

[أحمد مجاهد]

يا أستاذ أحمد يونس بلاش مصادرة لأفكار الناس وما يكتبونه فى المنتدى وبعدين لما المشاركين يبقوا زحمه ابقى يا سيدى صنف زى ما انته عاوز وبلاش فكرة الوراثه المنوفيه دى حرام عليكم سيبوا لنا حاجه نفضفض فيها يا عم أحمد وأنا مع الدكتوره داليا الشيمى وبعدين الاستقصاء اللى هىعملاه أنا شايفه يثرى الفكر السياسى لأنه قائم على البحث الحقيقى العميق............ وانا ان شاء الله مش همكنك من الوراثه يا عم أحمد...وبعدين يا استاذى كل بند من بنود الاستقصاء مهم جدا...وانا مع الدكتوره داليا حتى ولو كان معاك المهندس حسام خلف ...ومتخافيش منهم يا دكتوره احنا معاكى وان شاء الله لما تجمعى ردود المشاركين فيه ابقى عرفينا النتيجه وربنا يوفقك

[أحمد يونس]

الأستاذ أحمد مجاهد جاي بعد ما خلصنا الموضوع ... جاي يشارك ومش بس يشارك ده جاي ومتوصي عليا كمان ... من مين الله أعلم ... المهم إن الاستاذ أحمد مجاهد أعطاني تحذير شديد اللهجة ...إن أنا أسيب الناس في حالها ... ماشي ياعم ... أنا رفعت إيدي من موضوع الاستبيان ومش هتكلم فيه تاني ... بس اوعى تفتكر إن أنا زعلان ... بالعكس دا أن مبسوط علشان حمل كبير اترفع من على ظهري ... وربنا يقويك انت والدكتورة داليا وتعملوا استبيان كويس .... وقلبي معاكم ..............
النقطة الثانية بقى الخاصة بموضوع التوريث هلخصها في جملة واحدة ... لقد انطلق قطار التوريث من محطة المغادرة وقد اقترب من محطة الوصول ........
والمناهضون للتوريث يمتنعووووووووووووووووووووووووووووووون
والمنوفي هيفضل منوفي ... النيل رواه والخير جواه .............................بس خلاص :049:

[داليا الشيمى]

الأستاذ الفاضل / أحمد مجاهد
السلام عليكم

يااااااااااه أخيراااااااااااااا نطق حد وقال أنه معايا .. الحمدلله دايما أنا بعتقد فى الصبر .. شكرا يا أستاذ أحمد .. والأستاذ أحمد يونس غالبا بيعمل كده عشان هو عضو .. واحنا مستقلين .. وكل شوية يقول لنما امشوا من هنا .. لأ .. كده شوية .. ومرة يقول البيت بيت أبونا والمستقلين يطردونا .. الحمدلله .. بقينا .,. اتنين ..


شكرا يا أستاذ أحمد .. وخلاص كده مش هاخاف منهم تانى ... ربنا يحفظك .. ونقدر جميعا نعمل حاجة .. لإن بجد الدنيا محتاجة لنا كلنا .. من كل مكان .. ومن كل منحى .. ومن كل توجه .. ومن كل عمر .. ربنا يجمعنا على مايحب ويرضى .. وطبعا انت وسطينا يا ستاذ أحمد يونس ..

عارف بقى لو بعتلى ايه يا دكتورة انتى زعلتى .. هابعت حد يخطفك من بيتكم ... :049:

وخلاص بقى معايا مشجعين ..

تحياتى لكم جميعا .. وشكرا تانى استاذ أحمد مجاهد ..

[أحمد يونس]

أنا لما قعدت مع نفسي وراجعت نفسي في الكلام اللي أنا قلته ... قلت ما ينفعشي أسيب الاستبيان للمستقلين دا يبقى غلط في حقي ... وقررت على الفور الرجوع الى قواعدي سالما والمشاركة بفاعلية في مشروع الاستبيان ... يعني برده وراكم وراكم
ولكن على فكرة يا دكتورة داليا ... مفيش صعيدي يخطف منوفي ...لأنهم أولاد عم ... وكمان إنتي شوفتي مرئوس يخطف رئيس ... ما أعتقدشي ... فسيبك أحسن من حكاية الخطف دي ... علشان المنوفي لو واحد صعيدي خطفه ... المنايفة اخواته سيصدروا على الفور أمر اعتقال لجميع الصعايدة اللي في البلد ... يعني الشاطر اللي هيضحك في الآخر .
النقطة الأهم ... تريد أن نعمل اجتماع بالفعل وارجو ان يناسبك الأحد 4 مارس من حيث المبدأ يعني الساعة 5 كويس أعتقد علشان نبلغ باقي المجموعة المهتمة بهذه الدراسة وإذا كان لا يناسب حضرتك يا ريت تقولي لنا عن أنسب موعد لحضرتك ... بس خلاص

[داليا الشيمى]

وإحنا ما كناش هانقدر على عدم وجودك يا أستاذ أحمد .. وعود أحمد ... وطبعا إحنا ولاد عم ..

شوف .. والهى العظيم يوم الأحد لغاية 8 مساء مستحيل بالنسبة لى .. لإنى فعلا ببقى فى موضوعات صعب أسيبها ..

من 2 - 4 بحاضر فى كلية الأداب قسم علم نفس ..

ومن 4 - 6 عندى دكتور أحمد الزهرى بيدرسلى مخاطر مالية فى كلية التجارة ..

ومن 6- 8 دكتور الزهرى أيضاً مادة تخطيط وإدارة .. وما أدراك ما دكتور الزهرى .. فى احتساب الغياب .. وعدم حضور الامتحان لو تأخرت أو لم أدخل المحاضرة ..

وبصراحة أنا بحب احترم نفسى .. لإنى أنا اللى رايحاله أتعلم منه ..

ممكن لو حبيتوا اللقاء يكون مثلا السبت اليوم اللى قبله على طول من 6 ونصف أنا فاضية تماما ..
أو الجمعة .. نفتح الحزب ونرش ونقعد .. عادى

أو حتى الخميس الذى يسبقه .. 2 مارس .. أى يوم من هذه الأيام تحبون ..

ما عدا الأحد .. إلى الساعة الثامنة ..
عندى اقتراح كمان .. اجتماعكم بنتهى إمتى ؟ ممكن نلتقى بعده .. يعنى من 8 ونص ..

شوفوا حضراتكم وبلغونى ..

[خالد سامي]

كان نفسي طبعا اشارك في الموضوع من الاول مع اني كنت بشوف كل اللى بيتكتب فيه بس قلت خلينا نشوفه توصلو لايه في الاخر و طبعا انا شايف ان الموضوع ده هو اكثر المواضيع تميزا في المنتدي لانه تمخض عنه عمل جدي و حقيقى و ليه فائده كبيره و عموما بما اني معرفش تفاصيل كتير عن الموضوع ارجو اني في الاجتماع اعرف اكتر قبل او بعد الاجتماع و ارجو اني اقدر اساعد باللى اقدر عليه مدام الموضوع ايجابي و طبعا انا سعيد جدا بكل الناس اللى شاركت في الموضوع ده و خصوصا د. داليا الشيمي اللى بصراحه مجهودها رائع في المنتدي و بعد ما غابت عن المنتدي حاسس ان المنتدى نام ارجو اننا نشوف مشاركات جديده ليها قريب علشان نستفيد منها باكبر شكل ممكن

[حسام الدين خلف]

د داليا واحمد
عالبا نكون بالمركز بعد 8 مساء الاحد
انا متوقع مناقشة ثرية وانها سوف تستمر بعد 8
مهم جدا اللقاء الانسانى حتى يعرف بعضنا بعضا ويتم تعاون افضل فى هذا العمل القيم

[خالد سامي]

ارجو ان اجد مكان بينكم في هذا الفريق مع اني وصلت متاخر في المشاركه به لكن ارجو ان التقى بفريق العمل و لاستماع للمناقشات اللى هتكون علشان على الاقل الواحد يستفيد ارجو ان تقبلوني بينكم

[حسام الدين خلف]

اهلا بك يا اسناذ خالد سامى
ارسلت لك رسالة بموضوع وموعد المحاضرة
ويمكن الوصول لها بالصلة التالية
http://montada.alwasatparty.com/showthread.php?t=337
اذا حضرت اسال عنى
حسام خلف

[أحمد يونس]

ياريت العديد من أعضاء المنتدى يأتوا هذه المحاضرة لنتعرف على بعضنا البعض ... وكمان بالمرة نتكلم في موضوع الاستبيان ونضع له خطوط النهاية تمهيدا للقيام به

[خالد سامي]

شكرا يا استاذ حسام و انشاء الله هكون موجود كمان قبل الموعد للتعرف على حضرتك بشكل شخصي و ده طبعا شئ يشرفني جدا

[amrmostafa1981@hotmail.co]

شكرا د. داليا على الاستبيان
أعتقد ان إجابات الشباب المصري على اسئلة الستبيان ستكون كالتالي
1- هل تسمع عن الأحزاب السياسية فى مصر ؟

نعم

2- ماهى الأحزاب التى تسمع عنها ؟ اذكر أسمائها ..

*الوطني
*الوفد
* التجمع

3- هل ترى ضرورة وجود أحزاب أخرى غير الحزب الحاكم ؟

نعم


4- هل ترى أن هذه الأحزاب يمكن أن تحقق نجاحاً أو تحقق تغيير سياسى فى مصر ؟

لا

5- فى رأيك ما الذى نحتاجة من هذه الأحزاب ؟
*تقدم لنا خدمات

6- ما الذى يمكن أن يدفعك للانضمام لحزب ؟
*عندما لا يوجد معتقلون سياسيون

7- تفتكر ايه الى ممكن يجعل الناس لا تقبل على الانضمام لهذه الأحزاب ؟
*الخوف من الإعتقال

8- هل أنت منتمى لحزب من الأحزاب السياسية ؟ وما هو ؟

لا

9- إذا كانت الاجابة بنعم .. ما الذى دفعك للانضمام لهذا الحزب دون غيره ؟

إذا كانت الإجابة بلا .. لماذا لم تنتمى لحزب .. اذكر السبب .. ؟

خوفا من الاعتقال

10-ما الذى تتوقع أن تفيدك فيه هذه الأحزاب ؟
*تقدم لي خدمات

إذا كان لك الحرية أن تكون حزب .. ما هو الأساس الذى ستقيم عليه حزبك ؟

مصلحة المواطنين

وماهى القواعد الأساسية التى ستسعى لوجودها داخل حزبك لتجمع الناس حولك ؟
* الحرية
*العدل
*احترام القانون