المساعد الشخصي الرقمي

مشاهدة النسخة كاملة : مبارك يمنح قائد الجيش الأمريكي بالعراق وساما مصريا

د. ياسر نجم
19-Feb-2007, 02:12 PM
مبارك يمنح قائد الجيش الأمريكي بالعراق وساما مصريا 2/19/2007 10:09:00 AM


القاهرة - منح الرئيس حسني مبارك رئيس الجمهورية القائد الأعلي للقوات المسلحة وسام الاستحقاق من الطبقة الأولي للفريق أول جون أبي زيد قائد القيادة المركزية الأمريكية تقديرا لمجهوداته في دفع علاقات التعاون العسكري المصري الأمريكي بمناسبة إحالته للتقاعد وذلك أثناء زيارته لمصر الأحد.

وقد أناب الرئيس المشير حسين طنطاوي القائد العام للقوات المسلحة وزير الدفاع والإنتاج الحربي في تقليده الوسام، حسبما ذكرت جريدة الأهرام.
د. السيد عمر سليم
19-Feb-2007, 10:44 PM
د. ياسر
أنا بأعتب عليك إنك بتاخد بجدية تصرفات حيزبون قارب على ال 80 سنة. يعنى الراجل عايز يحس إنه لسه ريس ومهم ويمنح أوسمة - يا سيدى سيبه يخرف الكام يوم اللى فاضلين له ، سواء على الكرسى أو فى الدنيا.:043:
أحمد يونس
20-Feb-2007, 11:32 AM
حسبنا الله ونعم الوكيل
أحمد مجاهد
20-Feb-2007, 08:04 PM
ياسيدى ناس عسكريين زى بعض وبيخدموا الصهيومسيحيه مع بعض انته زعلان ليه هى كانت من فلوسك متخليك فى حالك وبلاش حقد
د. ياسر نجم
21-Feb-2007, 04:46 PM
أبوزيد وعبيط وسط البلد

عندما قابلت العبيط هذه المرة فى وسط البلد..وجدته يطوح رأسه يمينا ويسارا وهو يصرخ: أبو زيد...أبوزيد..أبو زيد
-مالك يا عبيط..مالك ومال أبوزيد...
-مبارك ادى أبوزيد وسام
-وانت مال أهلك..ريس وشايل عنده أوسمة كتير يفرقها على اللى هو عاوزه
-باقول لك أبوزيد
-اه..طاهر أبوزيد بتاع الكورة..صحيح مالوش حق الريس..لسه فاكر ؟ ده الراجل اعتزل من ييجى 15 سنة
-أبوزيد قائد الجيش الأمريكى فى العراق اللى دبح الأطفال هناك وهتك أعراض النساء واستباح الأرض
-صدق اللى قال عليك عبيط صحيح..انت فاكر يا راجل ان مبارك ادى له الوسام علشان كده؟!!!ده ادى له الوسام علشان تعاون الجيش الأمريكى مع الجيش المصرى..
-ازاى بقى ؟ مش مبارك ده رئيس عربى؟ أول مرة أشوف رئيس عربى يدى وسام مكافأة لقائد جيش محتل بلد عربى
-هاتفضل طول عمرك حمار..الريس عايز يوصل لك رسالة ان المبدأ دلوقت بقى مصر أولا..سيبك بقى من العروبة والأونطة دى..وبعدين مين قال ان العراق محتل ؟ الجيش الأمريكى قاعد فى العراق بناءا على طلب حكومته..والحكومة هى الكل فى الكل ..خصوصا اذا كانت بتحارب شعبها..ده أنا سمعت ان الحكومة العراقية هاتعمل..قال ايه جهاز جديد فى الشرطة تحارب بيه الشعب العراقى اسمه (الأمن المركزى)..فهمت ولا لسه ؟
-مش فاهم حاجة
-متوقع
-يعنى الريس دلوقت بيطبق مبدأ مصر أولا ده ؟
-آه..
-طيب لما الريس بيطبق مبدأ مصر أولا ده مصر ماتقدمتش ليه؟ ده الدكتور مصطفى طلبة مدير برنامج الأمم المتحدة للبيئة قال النهارده ان القاهرة من أقذر 10 مدن فى العالم..
-يعنى هو اللى وسخها؟ما كله من عمايلكم جتكم القرف
-اااااااااااااااااااه..فهمت دلوقت..الريس بيحب مصر أوى أوى أوى..علشان كده هى عنده أهم من أى حاجة تانية فى الدنيا
-عليك نووووووووووووووووور..أخيرا فهمت
-علشان كده عايز يديها لإبنه جمال
-امشى يا عبيط..امشى وماتورينيش وشك تانى