المواطن العربى الأول طلع مرتشى

[د. ياسر نجم]

نال شكرى القوتلى رئيس سوريا السابق لقب (المواطن العربى الأول) ابان الوحدة مع مصر..اكبارا لموقفه التاريخى بالتنازل عن رئاسة الجمهورية لعبد الناصر من أجل إتمام الوحدة.. فى سابقة مجدته لعقود طويلة بصفته مثل أعلى يحتذى فى التضحية بالنفس من أجل الصالح العام..
واليوم اكتشفت من خلال إحدى المقالات بالأهرام..أن هذا المواطن العربى الأول كان مرتشيا..
ليس هذا فحسب..بل أنه ربما يعتبر المرتشى الأكبر فى تاريخ الأمة العربية..إذ حصل هذا المواطن العربى الأول على مليون جنيه استرلينى ذهبية بالتمام والكمال من احتياطى العملة الصعبة فى مصر مكافأة على هذا الموقف..وقد قدر الكاتب هذا المبلغ بحوالى 17 مليار جنيه مصرى بسعر العصر الحالى..(ثلث النقد المتداول فى مصر آنذاك)...

وفى إطار المقال نفسه..بين الكاتب أن تراجع عبد الناصر عن غزو سوريا ردا على الإنفصال سنة 61 لم يكن حقنا للدماء العربية وحفاظا على الأخوة مع الشعب الشقيق كما أوهمونا على مدى عقود طويلة..ولكنه جاء استجابة لإنذار أمريكى إسرائيلى رسمى بقطع الطريق على البحرية المصرية إذا خرجت من مياهنا الأقليمية..

هاتان المعلومتان..بالإضافة لخبر اليوم برفض الحكومة المصرية الإعتراف بكوسوفو رشوة لروسيا فى إطار زيارة مبارك لموسكو وسعيه لعقد صفقة المشروع النووى وصفقات أخرى فى خلال هذه الرحلة..تنزع كل أقنعة المبادىء والمثل العليا التى تلبسها السياسة المصرية كما يلبسها كل السياسيون فى العالم عبر التاريخ..فالسياسة مصالح ومصالح فقط..على رأى الحاج ميكيافيللى..
فلا تلوموا أمريكا ولا اسرائيل ولا كل القوى الإستعمارية عبر التاريخ..فلو كنا مكانهم لفعلنا مثلهم...

[أحمد يونس]

إذا كان شكري القوتلي أول مرتشي .. يبقى جمال عبد الناصر أول راشي .....
وسلم ليا على مبادئ الثورة المباركة ورجل القيم والمبادئ والمثل العليا والاتحاد الاشتراكي ....
وتحيا الأمة العربية ..
تحيا الأمة العربية ... وإييييييييييييييييييييييييييه

[anemaky]

عزيزى ياسر
تحية طيبة
هل هذا المقال من شخص موثوق به؟ وهل تحققت من صحة هذا الكلام؟ وحتى لو كان صائبا اتدرى مدى تاثيره على مبتدئى السياسة واعتقد انهم ليسوا بقليل. نعم الطريقة التى تطرحها فى عرض القضايا تصلح لانجلترا فى سلخ رئيس الوزراء ولقد كنت هناك فى الاسبوع الماضى ورايت جلسة من مجلس العموم يقوم فيها نائب حديث السن فى مهاجمته وبكل موضوعيه. لن اسهب فى مارايته لانه جعلنى اتحسر الى ماالنا اليه. ونرجع لعبد الناصر هو رمز من رموز الوطن ولا يجب ان نطعن فيه بطريقة فجة حتى ولو اختلفنا معه وانت تعلم مدى اختلافى معه فى طريقة تسيير امور عظيمة وليس امر تافه مثل تضييع اموال مصر فى مهاترات لاطائل منها فاين ثروة مصر كلها من زراعة وصناعة وبناء انسان عصرىوالتى كانت وليدة فى حينها’ فانت تعلم لتؤتى خطة ثمارها يوضع لها هدف قريب وهدف بعيد على مدى على الاقل خمسون عاما. ولكن السياسيين والمخططين خلقوا لخدمة اهداف تخدم الوطن وليس شعارات انزلق يها الوطن الى غيابات الجب. دع الطعن فى الرموز ولتكون اطروحاتنا موضوعية ولا تستند على فرقعات سيكون الخاسر فيها نحن وليس هو. عامة الشعب غير مستعد فى هذه الحقبة لهذا النوع من الديمقراطية انه مازال ينتظر المُخَلِص الزعيم. وشكرا

[ابنة القسام]

مرتشي .......؟؟؟؟؟!!!!و شووووووووووو الغريب في هيك..؟؟!!!فلا عجب بما انه في حكومة عربية .........
لمعلوماتك اذا كان في الحكومة واحد نظيف بيسموه الفاسد .. أما الفساد اليوم بنسميه تحضر ..لازم تكونوا يا جماعة متحضرين شوية ... الصالح بيضيع في هذا العالم و الطالح بيرفعوه عل الاكفف و بيهتفوا باسمه ...

الحمد لله نحن قوم اعزنا الله بالاسلام و ان ارتضينا بغيره أذلنا الله

[د. ياسر نجم]

عزيزى ياسر
تحية طيبة
هل هذا المقال من شخص موثوق به؟ وهل تحققت من صحة هذا الكلام؟ وحتى لو كان صائبا اتدرى مدى تاثيره على مبتدئى السياسة واعتقد انهم ليسوا بقليل. نعم الطريقة التى تطرحها فى عرض القضايا تصلح لانجلترا فى سلخ رئيس الوزراء ولقد كنت هناك فى الاسبوع الماضى ورايت جلسة من مجلس العموم يقوم فيها نائب حديث السن فى مهاجمته وبكل موضوعيه. لن اسهب فى مارايته لانه جعلنى اتحسر الى ماالنا اليه. ونرجع لعبد الناصر هو رمز من رموز الوطن ولا يجب ان نطعن فيه بطريقة فجة حتى ولو اختلفنا معه وانت تعلم مدى اختلافى معه فى طريقة تسيير امور عظيمة وليس امر تافه مثل تضييع اموال مصر فى مهاترات لاطائل منها فاين ثروة مصر كلها من زراعة وصناعة وبناء انسان عصرىوالتى كانت وليدة فى حينها’ فانت تعلم لتؤتى خطة ثمارها يوضع لها هدف قريب وهدف بعيد على مدى على الاقل خمسون عاما. ولكن السياسيين والمخططين خلقوا لخدمة اهداف تخدم الوطن وليس شعارات انزلق يها الوطن الى غيابات الجب. دع الطعن فى الرموز ولتكون اطروحاتنا موضوعية ولا تستند على فرقعات سيكون الخاسر فيها نحن وليس هو. عامة الشعب غير مستعد فى هذه الحقبة لهذا النوع من الديمقراطية انه مازال ينتظر المُخَلِص الزعيم. وشكرا


انت فينك يا عم من زمااااااااااااااااان ؟
واحشنا والله..

الرواية كتبها عبده مباشر وهو كاتب سياسى معروف ولا أظن أن كاتبا بحجمه يجرؤ على مثل هذا الكلام بدون سند او دليل..لأنه هايودى نفسه فى 60 داهيه..خاصة وانه ذكر تفاصيل مثل الوقت الذى تم فتح فيه خزانة البنك الأهلى وعدد حملة مفاتيح الخزنة إلى آخره....
وللأمانة هو ماذكرش لفظ (رشوة)...هو ذكر انها مكافأة منحت للرجل بعد أن تنازل بالفعل..
لكن لفظ (رشوة) ده توصيفى أنا للموضوع حتى ولو تم بعد التنازل..

موضوع الرموز والأصنام ده بقى أنا من ألد أعدائه...وخاصة فى ظل عبارة مثل (الشعب لسه مش مستعد للديموقراطية) دى...هو الزمن بيتقدم ولا بيرجع لورا؟

[الباحثة]

معلومات خطيرة د/ ياسر تنسف إن صحت كل ما يقال عن نزاهة الرئيس عبد الناصر بل تظهر الخداع الذي قامت عليه هذه الوحدة الزائفة ،وإن كنا لا نستبعد شيئا على هذه الطغمة التي حكمت مصر حتى الآن ، ولكن لتحري الحقيقة فقط هلا زدتنا توثيقا لهذه المعلومات ، هذه المقالة نشرت في أي عدد للأهرام ؟ وما مصادر الكاتب ؟وليتك تورد لنا المقالة كاملة.

[د. ياسر نجم]

ازيك اختنا الفاضلة..الباحثة..وكيف أحوالك...
وحشتنا مشاركاتك القيمة..
المنتدى باظ فى غيابك...

المقال كان فى بريد الأهرام..فى اليوم اللى كتبت فيه التوبيك..يعنى غالبا أهرام 24 مارس..
للأسف الأهرام مابيسمحش بتصفح الأعداد السابقة فيه على النت غير للمشتركين فى خدماته..وإلا كنت جبت لكم نقل للمقال كاملا..

تحياتى..

[احمد ماشالله]

انا مش هاتكلم عن عبده مباشر او عبده كفتة وجاب معلومته من فين وايه سنده ومرجعيته للكلام ال بيقوله بس ال عايز اقوله اننا في مصر عندنا هوجة في كل حاجة حتي الكتابة يعني مثلا مش من الديمقراطية في شىء ان رئيس تحرير اي جريدة حتي لو كانت جريدة حيط لا يتحقق من صحة كلام عن اشخاص عملوا بالشأن العام لان فيه ناس بسطاء طيبين سذج بيصدقوا علي طول مايقال
يعني مثلا لو انا الصبح بعد ماطلعت من الحمام وحلقت دقني وشربت شاي كتبت ان سوار الذهب اخد ميلون زرار امريكي عشان يتنازل عن السلطة فيه ناس طيبة اوي هاتصدق الكلام ده ومش هاتحطة في الميزان
عشان كده بقول لازم الصحافة النزيهة الشريفة المفروض تدي المثل في صدق المعلومة عن طريق رؤساء تحريرها وماينشروش شىء إلا إذا كان لديهم وثائق خاصة اذا كان الكلام عن زعماء انما عندنا كله صابون

[احمد شوشه]

هو أنا شخصيا يا أستاذ أحمد مصدق..
لكن في الحقيقة مش شرط انه يكون صح خصوصا مع.. العداء الرسمي اللي ظهر من قبل الانتخابات الرئاسية المصرية اللي فاتت للمرحلة الناصرية ومحاولة تشويهها ومحاولة التجريح والسخرية من المبادئ القومية فممكن يكون المقال في إطار حملة التشويه والإساءة.
لكن باتفاق عدد ليس بقليل ومنهم أعداء لعبدالناصر فهو كان رجل شريف لكن دي سياسة والسياسة مفيهاش ملايكة .. بالمناسبة أنا مش بحب عبدالناصر ورأيي انه كان ولمؤاخذه راجل أحمق.

[احمد ماشالله]

أولاً : موضوع عبد الناصر اتفتح في المنتدي زمان ومش عايز اتكلم فيه أو اعيد فتحه تاني
ثانياً : زعلت لما قلت على عبد الناصر احمق مش عشان عبد الناصر ابن خالة ابويا لا لكن عشان عايزك تراجع توصيف وتعريف كلمة احمق في القواميس واللغة قبل ماتقولها
ثالثاً : ألد أعداء عبد الناصر وأكثرهم جرأة ووقاحة عمرهم ماقالوا عليه وصف احمق ابدا
رابعاً : اقول لعبده مباشر وكل مباشر وغير مباشر
ولما رأيتُ الجهلَ في الناس فاشياً ... تجاهلتُ حتى ظُنَ أني جاَهِلُ
فوا عجباً كم يدعي الفضل نَاقِصٌ ... ووأسفاً كم يُظهرُ النقصَ فاضل

[احمد شوشه]

ونا مرضاش على زعلك يا عم أحمد
بلاها أحمق

بس ملهاش لازمة الطريقة دي لإن كلامك اللي زي الدبش شكله خابط فيا..
مش معقولة كل مرة يعني

[الباحثة]

ازيك اختنا الفاضلة..الباحثة..وكيف أحوالك...
وحشتنا مشاركاتك القيمة..
المنتدى باظ فى غيابك...

المقال كان فى بريد الأهرام..فى اليوم اللى كتبت فيه التوبيك..يعنى غالبا أهرام 24 مارس..
للأسف الأهرام مابيسمحش بتصفح الأعداد السابقة فيه على النت غير للمشتركين فى خدماته..وإلا كنت جبت لكم نقل للمقال كاملا..

تحياتى..
جزاك الله خيرا د / ياسر وأعتذر لغيابي فهذه الأيام فترة ضاغطة بسبب الامتحانات
وبخصوص مصادرالمعلومات ألم يتعرض لها كاتب المقال ؟ في الحقيقة إذا لم يوردها فهذا ينقص من قيمة مقالته ومصداقيته ، ومهما كانت مآخذنا على الرئيس السابق عبد الناصر فلا نقبل إلا ما يكون موثقا من معلومات .

[الباحثة]

عشان كده بقول لازم الصحافة النزيهة الشريفة المفروض تدي المثل في صدق المعلومة عن طريق رؤساء تحريرها وماينشروش شىء إلا إذا كان لديهم وثائق خاصة اذا كان الكلام عن زعماء انما عندنا كله صابون
أتفق معك تماما أخي أ / أحمد ما شالله ، فكما أنه لا أحد فوق النقد إلا أنه لا يجوز اتهام أي أحد أو نشر معلومات دون توثيق ، وإلا أصبحت الدنيا فوضى فلا ضوابط ولا حدود .

[احمد ماشالله]

ونا مرضاش على زعلك يا عم أحمد
بلاها أحمق

بس ملهاش لازمة الطريقة دي لإن كلامك اللي زي الدبش شكله خابط فيا..
مش معقولة كل مرة يعني

ياسيدي ماتزعلش ده انتي حبيبي من ايام الجيزة قصدي من ايام الزوجة التانية مش قادر تستحمل طوبة صغيرة ياراجل ده انت فرجت علي امة محمد وال رايح وال جاي بقوا بيتفرجوا وكانوا قربوا بقيموا علي الحد جزاء للمفسدين في الارض في فيلم الزوجة التانية وفي الاخر سمعتني وجيه عزيز ومازعلتش منك ومش هازعل منك ابدا
بس الدبشة دي والله المقصود بيها عبده كفتة قصدي عبده مباشر

[احمد شوشه]

ايه ده بقا افهم من كلامك انك بتصفي حساباتك يعني:e::e:
عموما يا سيدي ولا يهمك:012:
رغم انك انت اللي كنت بادئ بالتهكم:~ ورغم ان مش كل أمة محمد اتفرجت ولا حاجة أنا اعرف واحد متفرجش وميعرفش حاجة عن الموضوع بس عادي:052:
وما دام طلع عبده كفتة براحتك يا سيدي.:012:

بس عندي سؤال انت حافظ الأشعار دي ولا انت بتقوم مدور وحاجة كمان البيتين دول بتوع مين عشان الحقيقة جامدين والبيتين بتوع السفيه برضه بتوع مين عشان الحقيقة برضه عجبوني مع اني مش عارف انت كنت تقصد مين.:^:^:^

[احمد ماشالله]

ياسيدي البيتين ال هنا دول بتوع رهين المحبسين ابو العلاء المعري وانا من عشاقه
والبيتين ال في الموضوع التاني للإمام الشافعي وانا برده من عشاقه

[احمد شوشه]

طيب بتبقا حافظهم وعلى كده انت حافظ اشعار كتير
وبعدين انت قارئ ومتذوق للشعر ولا انت بتكتب
وبعدين انت رحت اجتماعات للحزب قبل كده؟

[د. ياسر نجم]

جزاك الله خيرا د / ياسر وأعتذر لغيابي فهذه الأيام فترة ضاغطة بسبب الامتحانات
وبخصوص مصادرالمعلومات ألم يتعرض لها كاتب المقال ؟ في الحقيقة إذا لم يوردها فهذا ينقص من قيمة مقالته ومصداقيته ، ومهما كانت مآخذنا على الرئيس السابق عبد الناصر فلا نقبل إلا ما يكون موثقا من معلومات .


ربنا معاكى يا مدام نهلة...
هو انتى فى سنة كام دلوقت ؟
ولا فى سنوات كام وكام ؟:025:

هو المقال فى بريد الاهرام...ومقالات بريد الاهرام عموما مالهاش صيغة توثيقية..بس الراجل بيتكلم وكأن الكلام ده معروف لكل الناس..

هو اللى أنا اعرفه واللى موثق تاريخيا ان كان فيه رشاوى عكسية..ان الملك سعود قدم رشاوى تصل ل 2 مليون استرلينى للسوريين لإفشال الوحدة..بس أول مرة اعرف ان الرشاوى كانت فى الاتجاهين..

[احمد ماشالله]

طيب بتبقا حافظهم وعلى كده انت حافظ اشعار كتير
وبعدين انت قارئ ومتذوق للشعر ولا انت بتكتب
وبعدين انت رحت اجتماعات للحزب قبل كده؟
لا انا كنت بكتب زمان شعر في بنت الجيران لحد ربنا ماكرمها واتجوزت فبطلت اكتب خالص انما حاليا قارئ فقط وال بكتبه هنا بكون حافظه من الاول بس عشان عوامل النحر والتآكل والتعرية لما بكتبهم هنا برجع لمواقع أصحاب الأشعارعشان ضبط التشكيل ومنعاً للخطأ
وللاسف اجتماعات الحزب مارحتهاش اولا لاني لسه مش عضو في الحزب وثانيا لاني برا مصر جنبك شوية في ارض زايد الخير الامارات و شوية فى ارض زايد الخير سلمان الرياض وأول وأخر معرفتي بالاحزاب كانت في سنة 1982 م لما كنت في اولي جامعة كنت بروح عشان اتفرج على الافلام ببلاش واسمع الثلاثي عزة بلبع ونجم والشيخ امام في حزب بالتجمع وقعدوا يغنوا - بقرة حاحا النطاحة - وحاجات تانية زيها لحد ماكرهوني نفسى وكرهوني الدنيا وطفشت

[احمد شوشه]

35 سنة يعني
كنت مفكر عمرك أقل من كده
عموما يا سيدي تشرفنا
لو جيت الشرقية لاغينا يباشا