خُلقنا فى مصر لكى نؤكل

[am.sc59]

جت لى على اميلى حبيت تقروها

خُلقنا فى مصر لكى نؤكل

وصلنا إلى القاهرة وعند نقطه شرطه مكتوب عليها منفذ السماد الأمنى فوجئت بشاب يعترض الميكروباص يرتدىالملابس المدنيه ومعة حوالى أربعة أخرين إثنان فى زى الشرطه الأسود شكلهم عساكر مش ظباط
وطبعاً كلنا عارفين شكل العسكرى من الظابط إنما اللى لابسين مدنى هتعرف منين دا ظابط وللا عسكرى؟؟
المهم بدون أى كلام فتحوا باب السيارة من الأمام وخدوا الراكب اللى جنب الباب
الغريبه إنهم ما أتكلموش معاه ولا هو إتكلم معاهم كأنهم متفقين سوا..
أنا حسيت إنى فى فيلم صامت واللى لابس مدنى دا شاور للسواق..إركن على جنب.رَكن..
فتح علينا باب الميكروباص ومسح بعينه الركاب كلهم وسأل سؤال راكبين منين محدش رد حتى السواق كررها راكبين منين برضة محدش رد أنا إستغربت وبما إنى أول واحده هعترف كده كده قلتله راكبين من كذا قال الله جميل ونازلين فين؟ برضو أنا:رمسيس قال للسواق معاك تصريح موقف
فقال السائق ووجهه بيضرب ألوان والرعب ماليه ياحضره الأمين والله ..مكملش الجمله لقيت الشاب الهادىء ده تحول إلى واحد ثانى..أمين..أمين وبتقولهالى فى وشى أنا ظابط ياوله وعليا الحرام من دينى
عشان كلمه أمين دى لا أسجنك وما إنت طالع منها والأمين ذات نفسه هيتنقل النهارده.
وفجأة لقيت صوت واحد ورا ودنى إنزللى ياحبيبى أنا إتخضيت وشديت بنتى المخبر دخل برأسه من الشباك اللى ورانا شابط فى الراجل اللى قاعد والراجل ده محترم جداً ومعاه زوجته سيده كبيره وإبنته فتاه فى العشرينات
فقال له الرجل عايز إيه تنزلنى ليه إنت لك البطاقه وبس وأنا بشتغل فى مديريه أمن إسكندريه موظف إيدارى
ومش من حقط تاخدنى ومعايا أسرتى حريم .وإنت فاهم كده كويس.فضحك المخبر وقالله بس إنت داقق إيدك
(أنا مفهمتش) وقام المخبر بإنزال الرجل وأمسك كف يده وعلى ظهر الكف بين الأصبعين الكبير والسبابه
يوجد نقطه زرقاء تشوفها بالعافيه أتارى دى علامه لمن سبق له دخول السجن وقام المخبر بعرض يد الرجل بكل إهانه وهو يضحك على جميع الركاب..أهوه ايده مدقوقه يعنى كان فى السجن فقال له الرجل وإفرض
فتدخلت أنا..وإيه يعنى غلط مره وخد جزاءه تفضحه ليه وهتقعدوا بقى تعاقبوه العمر كله..
أصل بصراحه صعب عليا إحراج مراته وبنته العروسه وسطنا فحبيت أشجعهم المهم سألت الظابط اللى شكله أمين..إحنا ذنبنا إية هترمونا فى الشارع وإحنا ورانا مصالح هنروح رمسيس إزاى
وردت سيده قرويه بسيطه جداً جداً ياإبنى هندفع مواصلات تانى منين فقال لها هركبكم مش هسيبكم
وجلسنا نراقب كيف يقوم الضباط والأمناء بإجبار سائقى الميكروباصات لأخذ الركاب إجبارى معهم
وكلام من نوعيه هتاخدهم ياروح أمك..ونعم ياحبيبى...المهم وقفولنا مينى باص وقاللهم ماتخدوش أجرة..
وطبعاً أول ما طلع المينى الباص قال الأجرة..فقالت له السيده يابنى حرام عليك مش الظابط قاللك..
قاللها بكل إفتراء أنا ماليش دعوه بالظابط إنزلى وخلليه يوديكى رمسيس بالبوكس ده أكل عيش
السواق ركب الناس غير قانونى عاوز ياكل عيش..والظابط برضه بياكل عيش
لأنه ممسكش السواق عشان أوراقه مسكه عشان قاللة ياأمين..سائق المينى باص عامل السيدة بقسوة عشان أكل عيشه وكل واحد بييجى عاللى تحته وكله بياكل عيش على قفا المواطنين البسطاء إحنا العيش والكل بياكل فينا وإحنا مش لاقيين ناكل لأننا فى مصر خُلقنا لكىنؤكل فقط

[اشرف شلبي]

سيدي المحترم.......هذا قليل من كثير ....ونحن شعب قيل عنا أننا شعب خاضع لايحب الثورة وقد قال هذا الكثير من الكتاب والمؤرخين بل قالها العالم الكبير الدكتور جمال حمدان حين قال إن مصر"ديكتاتورية غاشمة جهول" إلا أننا يجب الا نستسلم وحسب كلام نفس المفكر فالفورة الشعبية هي السبيل الوحيد للقضاء على هذه الديكتاتوريه الغشوم.....المهم أن نعترف بهذا المختزن في ذاكرتنا الجمعية من الخوف والرغبة في الخضوع التي تكبل كل إقدام وتشل كل إبداع إننا مجاملين أكثر من اللازم لدرجة تصل للنفاق ونتطوع لهذا دون طلب من أحد...أذكر أنني كنت أستقل ميكروباس بين المحافظات منذعدة شهور وأرتكب السائق الذي يقلنا خطا كاد يودي بنا وهو يحاول تخطي إحدى السيارات فما كان من معظم الركاب إلا ان إنهالوا على السائق الآخر "الغير مذنب" بالسباب .......هكذا كمجاملة مجانية لم يطلبها السائق رغم وضوح من المخطئ ...هذا قبل أن يتصدى لهم راكب بتوضيح أن المخطئ هو سائقنا ....وتم رمقه من الجميع بنظرات ناريه وهنا تكلم السائق وقال عجبا "أيوه ياخواننا الإستاذ عنده حق أنا اللي غلطان!!
ياأخي العزيز ....اذا عرف الداء عرف الدواء