دعوة فرح

[هنا صابر]

يدعوكم زميلنا محمد طلبة لحضور حفل زفافه على الآنسة لارا عبدالمحسن ,

يوم الثلاثاء القادم الموافق 29/4

بقاعة نادى الصحفيين بالبحر الأعظم فى تماما الساعة الثامنةمساءا

مبروك لمحمد و لارا

ونتمنى لك حياة سعيدة مع زوجة المستقبل
وان تعود لنا و تشاركنا فى منتدى الوسط الكريم


http://montada.alwasatparty.com/imgcache/3326.imgcache.gif

[د. ياسر نجم]

طيب يا ترى الدعوة شاملة تذكرة الطيارة ؟

[مها عمر]

تنور بلدك يا دكتور ياسر و الفرح و اصحاب الفرح

[د. ياسر نجم]

أيوه بتعزمى بقلب جامد يا مها..
مانتى مش هاتدفعى حاجه...

[مها عمر]

و الله يا دكتور يعني .. انا عليها العيش و البسطرمة و الجاتوه ايه رايك ؟

[am.sc59]

ان شاء الله نحضر بس مين اللى من الوسط هيستقبل معازيم الوسط

وموعد الفرح

وهل ممكن احضر دعوة دار الهلال اللى كتبها المهندس احمد مجاهد وآجى الفرح

ولا هيكون صعب

ارجو الرد من مسؤل باللجنة التنفيذية للاعداد للفرح

[د. ياسر نجم]

و الله يا دكتور يعني .. انا عليها العيش و البسطرمة و الجاتوه ايه رايك ؟


طيب ممكن أتحمل أنا بنفس راضية العيش والبسطرمة وتتحملى انتى بنفس راضية برضه تذكرة الطيارة ؟

[ابن البلد]

الف مبروك يا محمد

الف مبروك يا رولا

ربنا يتتمم بخير يارب

بس فين الفرح فين البحر الاعظم ده

[ابن البلد]

و الله يا دكتور يعني .. انا عليها العيش و البسطرمة و الجاتوه ايه رايك ؟


الاستاذه مها عليها العيش والبسطرمه والجاتوة

وانا عليه الفسيخ والرنجه ههههههههه

الف مبروك يا محمد الف مبروك لارا:049:

[حسام الدين خلف]

الف مبروك يا طلبة

بسرعة كدة:fun

بس عندى شرط ان البسطرمة تكون حلوانى اخوان

ام بالنسبة لسؤال ams59

الوسط ضيوف مثل كل الناس فانا مش فاهم معنى السؤال:^

يُستقبلوا مثل بقية الضيوف وينتدمجوا وسطهم المهم بس يكون الجاتوه والبسطرمة متوفر للكل

[هنا صابر]

ان شاء الله نحضر بس مين اللى من الوسط هيستقبل معازيم الوسط

وموعد الفرح

وهل ممكن احضر دعوة دار الهلال اللى كتبها المهندس احمد مجاهد وآجى الفرح

ولا هيكون صعب

ارجو الرد من مسؤل باللجنة التنفيذية للاعداد للفرح

يا جماعة احنا كلنا معزومين ...الفرح أكيد مش تنظيم حزبى يعنى ...
محمد طلبة من أعضاء الوسط ...
أكيد الدعوة مش سياسية ....!!!!!!
أكيد كمان تقدر تتواجد فى الوقت اللى يناسب حضرتك على ما أظن ان الحفل سينتهى الساعة 11 م ....
لا مكان للجنة تنفيذية فى الرد الحقيقة ....دى دعوة فرح ...!!!!

[هنا صابر]

خللى بالك يا مها ....دكتور ياسر عايز يدبسك فى تذكرة الطيارة ......
على العموم حضرتك انوى بس و خللى الباقى علينا ....
تذكرة بقة ..حاجة تانية ,., احنا هنتصرف ....المهم توصل ...!!!!

[هنا صابر]

يا جماعة بالنيابة عن محمد و لارا ...محمد يتمنى حضور الجميع ...
وبيشكركم جدا

[تامر دياب]

طيب فين يا جماعة بحر الظلمات ده اقصد البحر الاعظم
عموما انا جي ان شاء الله ومبروك يا محمد انت و لارا وربنا يبار ليكم ويبارك عليكم ويجعل بينكم مودة ورحمه دايما

[احمد العدوى]

الف مبروك لمحمد ولارا
وجمبع الله بينهما في خير

[ايمى الوراقى]

الف مبروك ولو انها متأخره جدا
والله لو كنت سجلت هنا فى ميعاد الفرح كنت حضرت
وعلى الاقل كنت اتعرفت على الاعضاء
لكن ما فيش نصيب
عموما الف مبروك وتتعوض مره تانيه ان شاء الله

[هنا صابر]

الف مبروك ليك يا طلبة
واهلا بيكى يا ايمى معانا على منتدى الوسط
و على طول فى فرص كتير للتعرف على اعضاء المنتدى

[تامر دياب]

:015:صور فرحك يا طلبة منورة التليفون بجد قلت اخليها تنور الشبكة العنكبوتيه كلها :012:

[هنا صابر]

شكرا جدا جدا جدا يا تامر على الصور الجميلة دى
كنت شايلة هم ان مفيش حد هيصور الفرح لانى مكنتش موجودة فى الفرح ...و الجميع يعلم انى مهووسة بالتصوير و بتوثيق اللحظات الجميلة
خصوصا فرح اخويا طلبة و حبيبة قلبى لارا
على العموم
و الله ما قصرت يا تامر شكرا جدا لك

[تامر دياب]

فرح أخويا مين هيصوره غيري ؟؟؟
لا شكر علي واجب يا هنا محمد أنسان طيب ورجل يستحق كل تقدير

[مها عمر]

صور جميلة بجد يا تامر
تحياتي ليك
أما طلبة و القمر لارا فربنا يحميهم و يخليهم لبعض
أحلى ثنائي

[ابن البلد]

الف مبروك يا محمد الف مبروك يا لارا ربنا ييتتمم بخير

بارك الله لكما وبارك عليكما وجمع بينكم فى خير والصور جميله جداااااااااااااااا شكرا يا تامر