سر الهرم الاكبر فى القران

[عاطف سرور]

اخوانى الكرام ليست هذه مبالغه فسر بناء الهرم موجوده فى القران الكريم دون لبس وحتى ينسب الفضل الى اهله فقد اكتشف هذا رجل مصرى متواضع اسمه احمد طلعت فرج الله من البتانون منوفيه

[اشرف شلبي]

فين ياأستاذ عاطف التفاصيل ....

[د. ياسر نجم]

بيشتغل ايه أحمد طلعت ده ؟
عالم دين ولا عالم فى الهندسة ؟

[الباحثة]

ما هذا السر أخي أ / عاطف ؟ ومن هو أحمد طلعت فرج الله ؟ هل هذا نوع من التشويق لنا أم ماذا ؟

[د. ياسر نجم]

هو حضرتك عدلتى ايه فى البوست بتاعى ؟

لم أعدل شيئا أخي د / ياسر سوى اللون فهناك اقتراح من أحد الأعضاء بجعل المشاركات بلون مخالف عن الموضوع الأصلي ، وهذه فرصة لدعوة الجميع لكتابة تعليقاتهم بلون مخالف عن المشاركة الأصلية ، ولك مني خالص الدعاء.

[احمد شوشه]

ايوه يا استاذ عاطف اتفضل
سامعينك

[عاطف سرور]

حتى اقرب لكم الفكره اقول لكم ان كل النظريات تفترض ان البناء تم بنقل احجار ضخمه واستبعدوا ان يكون البناء تم عن طريق عمل خلطه او عجينه معينه يتم صبها فى قوالب ضخمه مثل ما نعمل نحن فى خلطة السمنت وبذلك نستريح من عبئ نقل الاحجار الضخمه وهذا موجود فى القران الكريم وقبل ان اتيكم بالايات اريد فقط ان اخذ رايكم فى هذا الافتراض يعنى ان البناء تم عن طريق خلطه صبت فى قوالب ضخمه وبذلك يسهل التحكم فى احجامها ومكانها

[TheProcessor]

دا ايه علاقته بالسياسة في مصر؟ انت بتتكلم في الجزء الخاص بالشئون المصرية في جزء منتدي الوسط السياسي

هل هناك علاقة ما بين الموضوع دا و بين مثلا الاحداث السياسية اللي بتحصل في مصر ؟ هل الموضوع كله قايم على الرمزية , مثلا الهرم هو الرئيس و اللي خلاها كبير و متفرعن هما المصريين مثلا يعني

و لا جايز أنا ملخبط علشان صايم؟

[احمد شوشه]

ايوه المشكلة انك صايم فعلاً

[TheProcessor]

لا أخ شوشه , أنا مكونتش صايم , الادارة بتاعت المنتدي كانت صايمة و فطرت امبارح , لانهم دلوقتي صلحوا الخطأ و رحلو التوبيك للجزء المخصص للدراسات القرأنية.

[احمد ماشالله]

ايه علاقة القرآن بالهرم الأكبر والا الأصغر ؟
و بيشتغل ايه الاستاذ احمد طلعت ده مليس والا مبلط محارة ؟
كفاية اتنفخنا من كتر الخزعبلات ال باسم الدين
الموضوع عامل زي الكريمات ال بتطلع الشعر ويتزود الصحة الجنسية وحمام التلات ال بيرجع العواجيز بنات

[TheProcessor]

تعرف و الله ضحكتني بجد يا أحمد.
فعلا , شر البلية ما يضحك
بكرة نتلكم عن التحنيط انه ذكر في القرأن و ممكن كمان طريق رسم الفراعنة موجودة برضوه , و ممكن حسني مبارك موجود برضوه , و كل واحد يتخيل لنفسه تفسير لأية يقوم يلزقها في أي حاجة

يا جماعة احنا اللي مش واخدين بالنا , و محتاجين ناس زي دي تلهينا أكتر و نفضل في مناقشات بيزنطنية حول مدي دقتها و صحتها و نتائجها و هلم جر..

[د. ياسر نجم]

لم أعدل شيئا أخي د / ياسر سوى اللون فهناك اقتراح من أحد الأعضاء بجعل المشاركات بلون مخالف عن الموضوع الأصلي ، وهذه فرصة لدعوة الجميع لكتابة تعليقاتهم بلون مخالف عن المشاركة الأصلية ، ولك مني خالص الدعاء.

الأخت الفاضلة الباحثة..
هاحاول انتقى ألفاظى بعناية فى هذه المشاركة..علشان ماتزعليش...

بس أقل ما يوصف به اللى انتم بتعملوه ده انه (تهريج) فى عرف المنتديات..

1- فيه فى كل مشاركة فى المنتدى تحت على الشمال زرار اسمه (تحرير)
الزرار ده حضرتك ممنوع منعا باتا تلمسيه غير فى مشاركاتك الخاصة..أو باسم إدارة المنتدى فقط إذا كان فى المشاركة ما يخالف قوانين المنتدى...

تعديل أى مشاركة حق أصيل وحصرى لكل عضو فقط...ما لم تكن فى المشاركة مخالفة لقوانين المنتدى...وحتى فى هذه الحالة..يجب أن يتم التنويه عن ذلك فى المشاركة نفسها....حتى يعرف القارىء أن هذا الكلام ليس كلام العضو الأصلى..ولكن تم تعديله بمعرفة الإدارة لمخالفة القوانين...

حضرتك واخدة بالك من المنظر دلوقت بتاع المشاركة اللى حضرتك لعبتى فيها..؟؟!!!
كلامك اللى بتشرحى فيه انك عدلتى الالوان بس..ظاهر للناس كلها على انه كلامى أنا..
المنظر العجييييييييييييب ده انا عمرى ما شفته فى 10 سنين خبرة بالإنترنت..

2- هل حضرتك خدتى رأينا فى اقتراح العضو الفاضل ؟

3- فيه فى تظبيطات لوحة التحكم..حاجه اسمها الDEFAULT SETTINGS
حضرتك ممكن تخللى الأستاذ على طاحون أو الباشمهندس أحمد نبيل يغيروها بحيث ان الاقتباسات تبقى بلون مختلف عن المشاركة..

4- احنا مش فى الجيش..
العضو له مطلق الحرية انه يكتب باللون والفنط والحجم اللى يعجبه..
ناقص تلبسونا يونيفورم واحنا قاعدين على المنتدى..

الخلاصة: أيا كانت الإقتراحات التى تأخذوا بها أو القرارات التى تتخذونها..زر التحرير فى مشاركاتى (خط احمر)...ممنوع منعا باتا من فضلك حد يلمسه إلا إذا كان فى المشاركة ما يخالف قوانين المنتدى..وفى هذه الحالة يتم التنويه فى المشاركة نفسها ان هذه المشاركة تم تعديلها بواسطة الإدارة لمخالفتها لقوانين المنتدى...

تحياتى..وأرجو أن الكلام يكون واضح بما فيه الكفاية..

[زياد الإسلام]

ايه علاقة القرآن بالهرم الأكبر والا الأصغر ؟
و بيشتغل ايه الاستاذ احمد طلعت ده مليس والا مبلط محارة ؟
كفاية اتنفخنا من كتر الخزعبلات ال باسم الدين
الموضوع عامل زي الكريمات ال بتطلع الشعر ويتزود الصحة الجنسية وحمام التلات ال بيرجع العواجيز بنات

اخى من فضلك لا تسخر من احد
الاسلام والقرأن له علاقة بكل أمر من امور حياتنا

[احمد ماشالله]

يا أستاذ زياد أنا مش بسخر من حد ال بيقول الكلام ده وال بيروج ليه هو ال بيسخر مننا ومن عقولنا زي زمان لما كنت تركب الاتوبيس في امان الله - مش عارف سعادتكم من ركاب الاتوبيس والا لا - وتلاقي واحد راح رامي على رجلك ورقة مكتوب فيه آيات قرأنية ويقولك صورها 100 صورة ووزعها على 100 واحد ولو ماعملتش كده ايدك اليمين هاتتشل ولو مااتشلتش يبقي هاياكلك العوووووو .... دلوقتي الوضع اتغير وبقت عن طريق النت !!!!
ارحمونا بقه .... فوقوا يا مسلمين !!!

[الباحثة]

الأخت الفاضلة الباحثة..
هاحاول انتقى ألفاظى بعناية فى هذه المشاركة..علشان ماتزعليش...

بس أقل ما يوصف به اللى انتم بتعملوه ده انه (تهريج) فى عرف المنتديات..

1- فيه فى كل مشاركة فى المنتدى تحت على الشمال زرار اسمه (تحرير)
الزرار ده حضرتك ممنوع منعا باتا تلمسيه غير فى مشاركاتك الخاصة..أو باسم إدارة المنتدى فقط إذا كان فى المشاركة ما يخالف قوانين المنتدى...

تعديل أى مشاركة حق أصيل وحصرى لكل عضو فقط...ما لم تكن فى المشاركة مخالفة لقوانين المنتدى...وحتى فى هذه الحالة..يجب أن يتم التنويه عن ذلك فى المشاركة نفسها....حتى يعرف القارىء أن هذا الكلام ليس كلام العضو الأصلى..ولكن تم تعديله بمعرفة الإدارة لمخالفة القوانين...

حضرتك واخدة بالك من المنظر دلوقت بتاع المشاركة اللى حضرتك لعبتى فيها..؟؟!!!
كلامك اللى بتشرحى فيه انك عدلتى الالوان بس..ظاهر للناس كلها على انه كلامى أنا..
المنظر العجييييييييييييب ده انا عمرى ما شفته فى 10 سنين خبرة بالإنترنت..

2- هل حضرتك خدتى رأينا فى اقتراح العضو الفاضل ؟

3- فيه فى تظبيطات لوحة التحكم..حاجه اسمها الDEFAULT SETTINGS
حضرتك ممكن تخللى الأستاذ على طاحون أو الباشمهندس أحمد نبيل يغيروها بحيث ان الاقتباسات تبقى بلون مختلف عن المشاركة..

4- احنا مش فى الجيش..
العضو له مطلق الحرية انه يكتب باللون والفنط والحجم اللى يعجبه..
ناقص تلبسونا يونيفورم واحنا قاعدين على المنتدى..

الخلاصة: أيا كانت الإقتراحات التى تأخذوا بها أو القرارات التى تتخذونها..زر التحرير فى مشاركاتى (خط احمر)...ممنوع منعا باتا من فضلك حد يلمسه إلا إذا كان فى المشاركة ما يخالف قوانين المنتدى..وفى هذه الحالة يتم التنويه فى المشاركة نفسها ان هذه المشاركة تم تعديلها بواسطة الإدارة لمخالفتها لقوانين المنتدى...

تحياتى..وأرجو أن الكلام يكون واضح بما فيه الكفاية..
عندك حق يا د / ياسر أعتذر .

[الباحثة]

أخي الكريم أ / زياد الإسلام مرحبا بك عضوا جديدا في المنتدى وبالفعل لا ينبغي أن نسخر من أحد ، ولعل أخي أ / أحمد ما شاء الله لم يقصد السخرية ، والحقيقة أن الموضوع يبدو غامضا ، ويحتاج إلى تفاصيل كثيرة حتى نستطيع الحكم عليه .

[احمد ماشالله]

تحية للباحثة :012:
على الاعتذار الدين المعاملة

[د. ياسر نجم]

أختى الفاضلة الباحثة...

ألف تحية لك على أخلاقك العالية..:015:
وأعتذر عن أى حدة فى كلماتى..:046:

[الباحثة]

بارك الله فيكما أخوي أ / أحمد ماشاالله ود / ياسر نجم

[TheProcessor]

يا أستاذ زياد أنا مش بسخر من حد ال بيقول الكلام ده وال بيروج ليه هو ال بيسخر مننا ومن عقولنا زي زمان لما كنت تركب الاتوبيس في امان الله - مش عارف سعادتكم من ركاب الاتوبيس والا لا - وتلاقي واحد راح رامي على رجلك ورقة مكتوب فيه آيات قرأنية ويقولك صورها 100 صورة ووزعها على 100 واحد ولو ماعملتش كده ايدك اليمين هاتتشل ولو مااتشلتش يبقي هاياكلك العوووووو .... دلوقتي الوضع اتغير وبقت عن طريق النت !!!!
ارحمونا بقه .... فوقوا يا مسلمين !!!

:012::012::012::012:

[احمد جمعه]

الرجاء كتابة الموضوع كامل نظرا لاهميتة شكرا

[د. ياسر نجم]

ادى الموضوع كامل مادام الأستاذ عاطف مش عايز يكمله
جالى على الفيس بوك:

حقيقة الأهرامات

آخر اكتشاف علمي جاء فيه

باحثون فرنسيون وأمريكيون يؤكدون أن الأحجار الضخمة التي استخدمها الفراعنة

لبناء الأهرامات هي مجرد

"طين"

تم تسخينه بدرجة حرارة عالية

وهذا ما تحدث عنه القرآن بدقة تامة

والنظرية الجديدة التي يقترحها البروفسور الفرنسي

Joseph Davidovits

يؤكد فيها أن الأهرامات بنيت أساساً من الطين

ويفترض البحث أن الطين ومواد أخرى أُخذت من تربة نهر النيل

ووُضعت هذه المواد معاً في قوالب حجرية محكمة

ثم سخنت لدرجة حرارة عالية

مما أدى إلى تفاعل هذه المواد وتشكيلها حجارة تشبه الحجارة الناتجة عن البراكين

أو التي تشكلت قبل ملايين السنين

بعد هذه الحقائق يمكننا أن نصل إلى نتيجة ألا وهي أن التقنية المستعملة في عصر

الفراعنة لبناء الأبنية الضخمة كالأهرامات، كانت عبارة عن وضع الطين العادي

المتوفر بكثرة قرب نهر النيل وخلطه بالماء

ووضعه ضمن قوالب ثم إيقاد النار عليه حتى يتصلب وتتشكل الحجارة التي نراها

اليوم

ماذا يقول القرآن؟

لنتأمل يا إخوتي ونسبح الله تبارك وتعالى

وَقَالَ فِرْعَوْنُ يَا أَيُّهَا الْمَلَأُ مَا عَلِمْتُ لَكُمْ مِنْ إِلَهٍ غَيْرِي

[القصص: 38]

سبحان الله

إلى هذا الحد بلغ التحدي والاستكبار؟

ولكن فرعون لم يكتف بذلك بل أراد أن يتحدى القدرة الإلهية

وأن يبني صرحاً عالياً

يصعد عليه ليرى من هو الله

تعالى الله عن ذلك علواً كبيرا

وهنا يلجأ فرعون إلى التقنية المستخدمة في البناء وقتها ألا وهي تقنية الإيقاد على

الطين بهدف صب الحجارة اللازمة للصرح

فَأَوْقِدْ لِي يَا هَامَانُ عَلَى الطِّينِ فَاجْعَلْ لِي صَرْحًا لَعَلِّي أَطَّلِعُ إِلَى إِلَهِ مُوسَى وَإِنِّي لَأَظُنُّهُ مِنَ الْكَاذِبِينَ

[القصص: 38]

ومهما تطور العلم لن يكتشف من الحقائق إلا ما يتفق ويتطابق مع القرآن الكريم

لتكون هذه الحقائق وسيلة لرؤية معجزات الله في كتابه

قال تعالى

سَنُرِيهِمْ آَيَاتِنَا فِي الْآَفَاقِ وَفِي أَنْفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ

[فصلت: 53]

[د. ياسر نجم]

بس فيه نقطتين:

- المقال ماجابش سيرة الراجل بتاع بتانون بلديات الأستاذ عاطف

- المقال ماقللناش ازاى فرعون الخروج اللى هو رمسيس التانى هو اللى بنى هرم خوفو..فى زمن تانى خالص..!!!!

[احمد شوشه]

مهو مش شرط ان صاحب الأستاذ عاطف بتاع البتانون هو صاحب النظرية ممكن يكون هو بس اللي قالوا عليها فالأستاذ عاطف افتكره صاحبها.
بس المهم ان ده لو وكان كلاما موثقا يبقى كلام موضوعي يستحق البحث ويبقى احنا مدينين باعتذار للأستاذ عاطف لإن الردود كانت عنيفة وحادة وفيها سخرية مكنتش تجتب حتى لو كان الكلام كلام فارغ..

[عاطف سرور]

والله العظيم ان الجل الى احكى لكم عنه لم يدخل على النت ولا يعرف يدخل نت اصلا ولكن يا دكتور ياسر هو جات له اشراقه من الايه الكريمه الى انت ذكرتها عن فرعون وهامان فاوقد لى يا هامان على الطين واظن ان لما اشراقه زى دى تطابق مع ما ذكرته من كلام الفرنسيي على الفيس بوك يبقى الراجل ده يستحق اننا نحترمه لان ربنا اكرمه باشراقه مطابقه لبحث علم اما جكاية السخريه او غيرها اظن اننا اكبر من ان نرد على اى رد يسخر من ايات قرانيه خصوصا لما يكون الساخر المفروض انه راجل متدين ويعرف كلام الرسول الى بيقول بحسب امرئ من الشر ان يحقر اخاه المسلم والسلام

[احمد شوشه]

لا يا أستاذ عاطف هما مسخروش من آية قرآنية..
بس يعني ايه اشراقة

[د. ياسر نجم]

هو ماحدش سخر من القرآن..
السخرية كانت ممن يستغلون القرآن..

حضرك غلطان برضه يا استاذ عاطف انك سبت الناس فترة طويلة فى التوبيك من غير ما تشرح لهم..

وفاضل ثغرة مهمة فى النظرية هى ان الهرم اتبنى فى عهد خوفو مش فى عهد رمسيس التانى وفيه فرق زمنى رهيب بين الاتنين.

[احمد شوشه]

مش هتفرق بقا يا دكتور مهو الموضوع ان القرآن كشف أحد أساليب الفراعنة في البناء سواء كان للاهرامات او لغيرها وسواء كان خوفو ولا منقرع

[احمد ماشالله]

أنا مع الرأي القائل بأنه مالم يخبرنا القرآن الكريم بصورة مباشرة بحقيقة علمية في زماننا ككروية الأرض ومراحل تكون الجنين فيجب ان ننأي به عنها مادام لم يخبرنا بها ا لأننا لو فعلنا وتغيرت تلك الحقيقة في زمننا أو في زمن آخر نكون كمن يساعد على التشكيك بالقرآن الكريم فمثلا فى أزمان سابقة كانوا يعتقدون أن الأرض مسطحة وكانت حقيقة لديهم وتغيرت الحقيقة السابقة إلي حقيقة جديدة مؤكدة وهي ان الأرض كروية فإذن كان هذا هو الحال في الحقائق التي ذكرها القرآن مباشرة فمابالنا بما لم يذكره القرآن مباشرة فضلاً عن أننا لسنا في حاجة إلى ذلك فالقرآن كلام الله المنزل على رسوله سواء تناول حقائق أو متغيرات كونية او لم يتناولها وسواء اتت الحقائق والنظريات الكونية الحديثة مطابقة لما ذكره او غير مطابقة فهو كلام الله الذي لايأتيه الباطل أبدا
فضلا عن أن بعض أصحاب الهوي والمصلحة ينفذوا إلينا من هذه النقطة لمعرفتهم بتعلقنا بكتاب الله كما أننا أنفسنا من فرط تعلقنا بكتاب الله نسير به احيانا بعيداً كما يسير أحباب آل بيت رسول الله بهم بعيداً
ولو طبقت ذلك مع حالة الموضوع المطروح لوجدت أن القرآن لم يخبرنا بطريقة بناء الأهرامات ولو أخبرنا مازاد ذلك من يقيننا بانه كتاب الله المنزل من عنده في شىء ولا أري داعي للزج به فيما لم يخبرنا به مباشرة ولو كان خير لنا لأخبرنا به
أخيراً معذرة يا استاذ عاطف لم اقصد أي اساءة لشخصكم الكريم

[عاطف سرور]

اشراقه يا اخ احمد يا شوشه يعنى فتح من الله يفتحه على عبده زى مثلا لما قرا سيدنا عمر قوله تعالى اذا جاء نصر الله والفتح علم ان هذه اشاره الى قرب اجل النبى صلى الله عليه وسلم اما حكاية رمسيس او خوفو اظن انى لم اتطرق اليها فى عرض الكلام من البدايه وانما كان كلامى على فكرة البناء التى اخبر بها الله فى القران اوقد لى يا هامان على الطين

[احمد شوشه]

:052::001:

[احمد شوشه]

انا كنت فاهم الحقيقة يا أستاذ عاطف بس انا سؤالي كان سؤال استنكاري بس أنا مش عايز أدخل في جدل في الموضوع ده لكن أنا أصلي موضوع الكرامات ده بيجبلي حساسية يعني ممكن يا أستاذ عاطف لإننا دايماُ بنستقرب الطريق ده ونترك الإسلوب العلمي والمنطقي في التفكير..

أنا كمان مع التفريق بين الأمور القطعية الواضحة اللي القرآن دلل عليها وبين الفرضيات الغير أكيدة بنسبة 100% يعني ممكن تناولها بالدراسة ولكن يظل تداولها كفرضية وليس كمسلمة.
متفقين أهو يا أستاذ أحمد ما شاء الله..

[احمد شوشه]

الخبر ده نشر النهارده في موقع المصريون

مصر ترفض نظرية فرنسية تؤكد بناء الأهرام من الطينمصر ترفض نظرية فرنسية تؤكد بناء الأهرام من الطين


رفض مسؤولون مصريون نظرية الفرنسي جوزيف دافي دوفيتس، مدير معهد جيو بوليمير، والتي رأى فيها أن الأهرام بنيت من الطين، وأنه تم استخدام الطين كوسيلة لنقل الأحجار على سكك خاصة، عكس ما كان يعتقد علماء الآثار أن بناء الأهرام من الأحجار.
وحسب صحيفة الخليج الإماراتية ؛ تقوم النظرية الجديدة على أن الطين ومواد أخرى أخذت من تربة نهر النيل، ووضعت هذه المواد معا في قوالب حجرية محكمة، ثم سخنت لدرجة حرارة عالية، مما أدى إلى تفاعل هذه المواد وتشكيلها حجارة تشبه الحجارة الناتجة عن البراكين أو التي تشكلت قبل ملايين السنين. ورأى العالم الفرنسي أن الحجارة التي بنيت منها الأهرام صنعت أساسا من الكلس والطين والماء، لأن التحاليل باستخدام تقنية “النانو” أثبتت وجود كميات من الماء في هذه الحجارة ومثل هذه الكميات غير موجودة في الأحجار الطبيعية.

[اشرف شلبي]

أعتقد إن ممكن تأكيد صحة ..أو عدم صحة هذه النظرية بواسطة الكشف على هذه الأحجار بأشعة أكس أو ماشابة لتحديد إن كانت أحجار رسوبية أو نارية متحولة ...أو أحجار صناعية كما تقول النظرية.