هنا القاهرة -على الحجار

[هنا صابر]

بناءا على طلب تامر دياب عضو منتديات الوسط الموقر
اليكم أغنية"هنا القاهرة"
غناء على الحجار
كلمات : سيد حجاب
ألحان :عمار الشريعى

http://http://www.youtube.com/watch?v=cuo3eoySNGg
انت تؤمر يا تامر

[هنا صابر]

هنا القاهرة الساحرة الآسِرة الهادرة الساهرة الساترة السافرة

هنا القاهرة الزاهرة العاطرة الشاعرة النيّرة الخيّرة الطاهرة

هنا القاهرة الساخرة القادرة الصابرة المنذرة الثائرة الظافرة


صدى الهمس في الزحمة و الشوشرة

أسى الوحدة في اللمة و النتورة

هنا الحب و الكدب و المنظرة

نشا الغش في الوش و الإفترا

هنا القرش و الرش و القش و السمسرة

هنا الحب و الحق و الرحمة و المغفرة


و انا ف قلب دوامتك الدايرة بينا

بصرّخ بحبّك يا أجمل مدينة

يا ضحكة حزينة .. يا طايشة و رزينة

بحبّك و اعفّر جبيني في ترابك

و اعيش في رحابِك و أقف جنب بابك

جنايني أروي بالدم وردة شبابك

يا زينة جنينة حياتنا اللعينة

بحبّك يا بنت اللذين

بحبّك

[احمد شوشه]

كل ده عشان خاطر علاء صادق

[هنا صابر]

مين علاء صادق؟؟؟
المعلق الرياضى؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[احمد شوشه]

ايوه مش البرنامج بتاعه اسمه هنا القاهره

[الباحثة]

رائعة يا أ / هنا بارك الله فيك

[تامر دياب]

:^بجد والله مش عارف أشكرك أزاي , الأغنيه دي اول مره سمعتها كانت في موقف معين بس كان موقف نحسد عليه عشان كده لا يمكن اي حد يسمعها من افراد الموقف وميبكيش بجد
ربنا يكرمك يا استاذه علي الأهتمام :012:

[تامر دياب]

و انا ف قلب دوامتك الدايرة بينا

بصرّخ بحبّك يا أجمل مدينة

يا ضحكة حزينة .. يا طايشة و رزينة

بحبّك و اعفّر جبيني في ترابك

و اعيش في رحابِك و أقف جنب بابك

جنايني أروي بالدم وردة شبابك

يا زينة جنينة حياتنا اللعينة




بجد شكرا اوي علي الكلمات كمان يا أ/ هنا
وتحديدا هما دول الي كنت عايزهم

[هنا صابر]

العفو يا تامر بيه
نحن دائما فى الخدمة
.....