و ج ي ه ع ز ي ز وبس

[احمد شوشه]

نصيحة واضحة وصريحة ومباشرة لو لم تكن قد سمعت أغاني وجيه عزيز فتوجه فورا وبدون تردد لشراء إحدى اسطواناته أو ابحث على الانترنت عن أغانية وقم بتحمليها ،،،
وتأكد أنك ستسمع فناً رائعا وسينال احترامك وإعجابك بشكل ربما يجعلك تشعر بالندم أنك لم تسمع وجيه عزيز من قبل.
ولو كنت من السميعة القدام بتوع سومة وعبدالوهاب أو حتى من سميعة عبدالحليم وفريد أو حتى من بتوع اليومين اللي لسه فايتين بتوع عمرو دياب أو جديد لانج دفعة بكره الصبح وبتسمع تامر حسني وحماقي هيعجبك وجيه عزيز..
لو كنت اتخنأت من الأغاني العاطفية المكررة وعايز تحلق في آفاق جديدة إجري بسرعة واسمع وجيه عزيز..
أما لو كانت مصر شغلاك ومسيطرة على تفكيرك وشاغلك الإنسان يبقى مفيش غير حل واحد اسمه وجيه عزيز
أما لو كنت من النوع العاتفي جداً الحساس جداً اللي بيمر بمواضيع عاطفية مشعللة فالمفاجأه إن برضه وجيه عزيز.
لو حاسس إني ببالغ جرب واسمعه مش هتخسر كتير..

[احمد شوشه]

وجيه عزيز كما يحكي عنه موقعه الرسمي
وجيه عزيز ملحن ومغن مصري، امتدت مسيرته الاحترافية لسنين عديدة كانت باكورتها مسرحية من أشعار فؤاد حداد في إحدى مسارح الدولة سنة 1988. تأثر وجيه في تطوره الفني بنموذجين رئيسيين؛ سيد درويش و الرحبانية. أثر سيد درويش في موسيقى وجيه بجعل منبعها الأول انفعالات وهموم أهل البلد بفئاتهم المختلفة. أما الرحبانية فقد ظلوا في نظر وجيه أصحاب أرقى الكلمات والألحان بين المشاريع الموسيقية العربية.

وبنظرة عامة نستطيع فعلا أن نخرج بأوجه شبَه أساسية بين وجيه ودرويش والرحبانية: بساطة اللغة، الموضوعات التي تتناول العادي واليومي، المسرح الغنائي (الذي برع فيه درويش والرحبانية وصاروا من رواده في العالم العربي). فحتى عندما تؤدى أغاني وجيه خارج الأعمال المسرحية أو السينمائية، فالنصوص وحدها مليئة بالحوار والحدوتة والشخصيات.

تتكئ ألحان وجيه دائما على الكلمة، وهو ذو مزاج خاص فيما يتعلق بما يغنيه من أشعار، مفضلا أولئك الذين أسسوا قواميسهم وتيماتهم على حياة وثقافة الشعب المصري بمختلف فئاته. ويذكر وجيه بالاسم أن الأفضل عنده من الشعراء المصريين في كل العصور هو صلاح جاهين، ومن المعاصرين يفضل علي سلامة.

تعود أصول وجيه إلى عائلة متوسطة من شمال صعيد مصر، يهوى غالبية أعضائها الفن بمختلف أشكاله كالرسم والنحت والتصوير. وعن دوافع اهتمامه بالموسيقي، يقول وجيه إنه لم يختر أن يكون ملحنا ولا مغنيا ولا أن يحب الموسيقى، وربما تكون الموسيقى هي التي اختارته!

وإذا كان الكل يتكلم عن الغناء العربي، فإن وجيه يؤمن بالخصوصية الفنية والتراثية لكل منطقة، قائلا إنه ضد مسمى ’الأغنية العربية‘ فهناك الأغنية الجزائرية والخليجية واللبنانية، ولا يجد داعيا لأن يستعير ثقافة الآخرين لاستخدامها في ألحانه، لكنه لا يجد مانعا أيضا من أن يستمتع بكل لون من ألوان الغناء في مختلف البلدان العربية.

وبعد، فموسيقى الفنان لا يمكن تصورها من أقواله وسردنا لمشواره! حان الوقت لتدخل في حالة وجيه عزيز عبر المسامع الموجودة هنا على موقعه الرسمي


ينتمي عرض «الفن ساس» الذي قدمته فرقة كورال «جمعية الصعيد للتربية والتنمية» على مسرح الهناجر في القاهرة أخيراً وبرعاية «مؤسسة المورد الثقافي» الى نوعية من الاعمال الفنية تنهض بمهمة غسيل الروح وانارة العقل لتدفع بمتلقيها الى مصالحة الحياة والتفاعل معها وعناقها من جديد. فالعرض اكبر من ان يقرأ فقط كسهرة مع شعر رائد شعراء العامية المصرية فؤاد حداد (1927 - 1985) الذي يمضي بين محطات اساسية تبدأ بمقاومة القبح والجبروت وشتى صور الظلم وتستقر في فضاءات العشق الصوفي. وربما كانت اشعاره في مجملها نشيداً طويلاً في محبة الوطن والناس... فهو يبدو مثل الأولياء الصالحين واصحاب الكرامات الصوفية، يتجمع المريدون حول شعره متى وجدوا المناسبة بهدف رفع الظلم الذي عاناه في حياته التي كانت حافلة بصور التواضع والنضال من اجل قيم الحرية والجمال وهي قيم تعلم حداد ان يقرأها ويكتبها في مناجاته الطويلة لمصر.
ومرّة أخرى يكتشف عشّاق فؤاد حدّاد أن تراثه الشعري كنز تتأكد قيمته مع مرور الايام... ومن بين انتاجه الغزير المتميز توقف اصحاب العرض امام «بورتريهات»، رسمها حداد لمهنيين مصريين بينهم النجار والمنجد ومبيض النحاس وبائع مشروب العرقسوس والعطار، وتوزعت في اعماله وبخاصة ديوانه «كلمة مصر»، ويقوم عرض «الفن ساس» على مجموعة لوحات فنية بسيطة وعميقة في قدرتها على تغطية صور من الحياة اليومية لبسطاء الناس الذين يمارسون حب الوطن من دون شعارات زاعقة ومن دون بيانات، انه الحب الخالص القائم على قيمة العمل. ولعل هذه القيمة هي الركيزة الاساسية او الشيفرة التي تعطي متلقي هذا العرض مفتاح التفاعل معه، فالعرض يقوم على حماسة اهله وايمانهم بقيمة ما يفعلون.
واذا كانت عروض الكورال السابقة وتجاربه في التعاطي مع شعر حداد قاصرة على الالقاء والغناء إنها هذه المرة اتسعت لتشمل ظواهر مسرحية معها اضفت على العرض حيوية بالغة ومنها السرد الحكائي لبناء تراتبية العرض الدرامية وتعشيق هذه الحكايات وتضفيرها مع قصائد حداد لتظهر المعنى وراء فلسفة العرض القائمة على فكرة التربية من خلال الفن، وقد ظهر جلياً الجهد الذي بذله الممثل رمضان خاطر «من فرقة الورشة» مع ابناء الكورال من الاطفال في تدريبهم على الحكي الشعبي، وأكثر من ذلك يحسب له هذا الذكاء البالغ في اختياره للحكايات التي صاغها وهي حكايات في مجملها تقوم على وعي فطري لمفهوم «المواطنة» القائم على نبذ الطائفية لمصلحة المظلة الوطنية الجامعة وهو وعي عبر عن نفسه في اللوحة الغنائية «احياء مدارس»، وفي حكاية «غرفة الجد» التي تعيد الرابطة الجامعة للمصريين المعاصرين الى أصول الفرعونية كمكون رئيسي من مكونات الهوية الوطنية. وفي طريق تأكيد هذا المعنى لا يمضي العرض في مسارات مباشرة وفجة زاعقة، انما يعتمد على جماليات بسيطة للصورة وللحركة المسرحية بفضل الاستعراضات المتميزة التي صاغها تامر فتحي واستلهمها من البيئة الشعبية لقرى محافظة المنيا حيث يعيش ويتعلم اطفال كورال «جمعية الصعيد». فاللوحات في معظمها تتعامل مع عصا التحطيب كمفردة جمالية اساسية وكذلك مع «الملاية اللف» التي تقوم بوظيفة دلالية تضاف الى وظائف حضورها كعلامة مسرحية في الاطار السينوغرافي الذي قدمه فتحي، ويصعب على متلقي هذا العرض تجاهل دور الملحن الموهوب وجيه عزيز في تقديم الصياغة الموسيقية والالحان... فهو شأن معظم مشاهدي العرض مريد قديم من مريدي فؤاد حداد بدأ تجربته الاحترافية ولقاءه المباشر مع الجمهور عبر شعره قبل ما يقرب من عشرين عاماً على المسرح في تجربة عنوانها «كروان الفن». وطوال السنوات السابقة واصل عزيز مشروعه كملحن ومغن في البومين... وعبر اشعار مجدي نجيب ومحمد ناصر وعصام عبدالله واصوات مهمة مثل صوت محمد منير لكنه خلال هذه الرحلة لم يغيب حداد عن مسيرته. وها هو يستعيده اليوم بوعي جديد وبخبرة جعلته قادراً على التخلص من زوائد تجربة الماضي وإرثها المثقل بالهم السياسي ليمنحها هذا الفضاء الصوفي الواسع كما لا تغيب عنها الطاقة التعبيرية الكاريكاتيرية الكامنة في النص الشعري والتي استخرجها عزيز ببراعة مدهشة ومنحها نبرة موسيقية ساخرة تربط صاحبها بشجرة راسخة في مسرحنا الغنائي جذرها يبدأ من عالم سيد درويش لتصل ثمرتها الناضجة الى زياد الرحباني ومن ثم الى وجيه عزيز الذي يعود كما كان من قبل مدهشاً وممتعا.

[احمد شوشه]

ووجيع عزيز له ثلاثة ألبومات
وهي
بالليل
زعلان شويه
ناقص حتة
والألبومات بين كلما لمجدي نجيب ومحمد ناصر وعلي سلامة
وعلي سلامة من فلتات الشعر العامي البسيط جدا من وجهة نظري المتواضعة
ولكن أغاني وجيه عزيز من الصعب أن تميز بعضها على بعض فلو قررت أن أرشح لكم أغنيات بعينها سأجد صعوبة بالغة في ذلك فأقل من ثلاثين أغنية لو فرضت أنني رشحت 20 أغنية سأشعر أنني أهن الأخريات ولو أخذت رأي 100 شخص عن أكثر الأغاني التي أعجبتهم ستسمع أسماء جميع الأغاني.

[احمد شوشه]

ولكن هل تكمن عبقرية وجيه عزيز في مشروعه الغنائي شديد الخصوصية أم تكمن في صوته أم أداؤه..

أظن أن عبقرية وجيه عزيز تأتي في مشروعه الغنائي القادر على الوصول للجميع فأنا شخصيا بحب منير وعمرو دياب وتامر حسني يعني مش من سميعة أغاني المثقفين والساقية والأوبرا والكلام ده بالعكس أنا واخد موقف ضدهم لإني بحس إن معظم سميعة اللون ده ناس عايزة تعيش في الدور ومعظم رموز الفن ده رموز يسارية فقدت إبداعها نتيجة شعورها بالهزيمة ..يعني منير ما قبل منتصف التسعينات غير منير ما بعد ومنير بتاع احمد منيب غير منير بتاع سو يا سو حبيبي حبسوه..وحتى في ألبوم منير الأخير عندما غنى منير لصلاح جاهين كلمات رائعة ايديا في جيوبي لم أشعر أن منير في أحسن حالاته بل شعرت أنه بيغني بدون إحساس وقد يختلف معي الكثيرون ولكنه رأيي..

المهم وجيه حاجة تانية .. وجيه بيغني للإنسان مش للشيوعية ولا بيردح للنظام الحاكم وحتى ليه أغني وهو صغير تشبه أغاني الشيخ إمام بيرفض يغنيها دلوقتي .. هو مش عايز يدخل في خناءة مع حد .. وأنا رأيي إن حتى الإبداع لما تحاول تطوعه لخدمة فكرة مهما كانت عظيمة بيفقد إبداعه وبيتحول لنشرة إخبارية أو منشور سياسي..

وحتى في السينما لو قارنا فيلم حين ميسرة بفيلم أحمد ذكي ومحمود عبدالعزيز بس انا مش فاكر أسمه لما كان أحمد ذكي مجند وفهموه ان المعارضين دول أعداء الوطن ..
بحس ان فيلم حين ميسرة منشور سياسي أو صفحة من صفحات موقع حركة كفاية أول ما مسكه مالك..
وده في رأيي أفرغ الفيلم من الحالة الإبداعية المتوقعة وتخيلوا لو مخرج حين ميسرة أخرج فيلم أحمد ذكي كنت هتلاقي أحمد ذكي ليه أخت في مسئول كبير طمعان فيها وإن في عضو لجنة سياسات بيتحكم في أهل البلد بتاعة أحمد ذكي وبيلطش فيهم وطبعاً هتلاقي في جماعات إسلامية في الموضوع بتتفق مع الأمن على الشعب وبيعذبوه سوا أو بيختلفوا مع بعض وبيولعوا في الشعب وهيفقد الفيلم رقته وإحساسه وهتضيع الحالة الإبداعية الرهيبة اللي كانت في الفيلم..

[احمد ماشالله]

ماشى ندور علي اغانيه ونسمعها
انا معرفش على سلامة بس مجدي نجيب رائع ربنا يدله الصحة بحبه جدا خصوصا قولوا لعين الشمس بتاعة شادية تخليك طاير في الجو :051:
نسمع وجيه عزيز
بس هو مش معروف ليه تقصير من المستمعين والا من الفنان ؟

[احمد شوشه]

بمنتهى البراءه
سألتنى بنتى نور
ف أربع خمس أمور
مش ف كتاب القراءه
قالتلى بابا يا بابا
مش إنت يا بابا
بتكتب أغانى
و تقول أشعار
أنا سمعت الشيخ يا بابا
بيقول إنك يا بابا
هاتروح النار
زى الناس الوحشين
الحراميين الكفار
قولى يا بابا
يعنى إيه استعمار
يعنى إيه نيل
يعنى إيه هرم
و مين اللى حط النسر ده
فوق العلم
يعنى إيه يا بابا
استفتاء
و يعنى إيه انتخاب
و يعنى إيه حر
و يعنى إيه نصاب
و يعنى إيه اغتصاب
يعنى إيه اختلاس
و يعنى إيه هجاص
و يعنى إيه خصخه
يعنى إيه يا بابا دستور
يعنى إيه معارضه
و يعنى إيه مظاهره
و ليه النهارده
خدنا اجازه من المدرسه
قوللى يا بابا
يعنى إيه قهر
و أين يقع خط الفقر
و يعنى إيه حظ
و يعنى إيه زهر
يعنى إيه يا بابا حريه
يعنى إيه إنسان
و يعنى إيه سرطان
يعنى إيه يا بابا خربوها
و مين دول يا بابا اللى خربوها
و حضرتك كنت فين يابابا لما خربوها
و مين دى سماره يا بابا
و إزاى ضاعت من قلبك
بابا
إنت معايا
فيه يا بابا ناس
بتقول كفايه
و فيه عساكر
ماسكين عصايا
و بنات متعورين
و تانين ماشين بيضحكوا
يا بابا هما دول إسرائليين
قولتلها
نور
ممكن أسألك سؤال
قالتلى
إتفضل يا بابا
قلتلها
هيه قناه سبيس تون
رقم كام
و خدتها
عشان تنام

[احمد شوشه]

نــــــــــــاقص حته
....ناقص حته
....وكل ما أوزن
......ألاقي لسه
ناقص لي حته
أحط حته
تقل حته
وأجيب قميص
تضيع اكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
....وأقول ها نفرح
..ف يوم
..ها نفرح
ويوم مانفرح
علي الله
...يفضل في القلب حته




الفاتَحة عٍِ الأموات
وفضلت أسَِتنى أستّنى...
لَحدّ ما عََدّى اخر قطر وفَات...
حَزنت قَعّدت أعيط أعيّط...
قلت أتمشى أتسلّى...
أتفرج عَ الشّوارع والنّاس والعربيّات...
زهقت...
قُلت أرتاح...
سنَدت عَلَى روُحى...
إتلخبَطتّ جُوّايا كلّ الحَاجَات..
مدّيت إيدى ف جيوُبُى...
لقيت شُوّية وَرَق قديم...
وصَوُر وكرُوت تليفونات....
قُلت أكلم مرَاتى...
افتكرت إنها خدت الدّوا...
ونَاَمت من تلات ساعات....
قُلت أكلم أخُويا....
افتكرت إنه طلعِ مَعَاش مُبكّر...
وكَاَره تاريخُه...
ومركّز ف التّأمينات..
قلت أكلم خَالىِ....
افتكرت إنه غتت غَتَاتَة...
ومعايا أنَا بالذّات...
قلت أكلَم خالتَى...
قُلت يا وَاد..
دى كانت خالتى وخالتك...
واتفرقّت الخالات...
قلت أكّلم صاحبى صلاح....
افتكرت إنة سافر العراقُ....
وفى إحتمال يكون مات....
قُلت اعمل دماغ...
بسّ معرَفش حد بتاع مُخدَّرات...
قُلت أمشى ف مظَاهرة...
لقيت العساكر راجعين...
مشَطبين علَى كل الُمظاهرات...
قُلت اتصل بالسّادة المسئُولين...
هايتّهمونى بإزعاج السُّلطات...
قُلت ياربّ...
هُو أنا إيه...
وليه...
ونسيت إيه...
وقطر إيه اللّى فات....
اَلَلًه يرحَمَك بقَى يَابَا...
والفاتحة عَلَى كُل الأموات....

[احمد شوشه]

أظن يا أحمد تقصير منه هو كان عنده مشكلة مع الحياة انه حاسس انه مش متقدر بالطريقة المناسبة وكبرياؤه كان بيمنعه من انه يحاول يسوق نفسه..
لكن انا بحس انه مؤخرا لما شريطه الأخير بتاع ناقصني حته حقق نجاح نسبي نفسيته ارتحاحت وتصالح مع نفسه
والله أعلم

وعلى فكرة وجيه عمل حجات مشهورة لمنير زي عصفور وصغير السن وزي ايديا في جيوبي
اللي فاتت دي أشعار لعلي سلامة وعلى فكرة منى الشاذلي استضافت كل واحد فيهم قبل كده

[احمد شوشه]

مصر والكاميرون
بقول لهم
مين اللي بيعيط بحرقة دة؟
قالوا لي
مواطن اتصور وهو بينضرب
قلت لهم
ومين الأمور اللي بيضحك دة؟
قالوا لي
دة واحد عمل شوية كوارث وهرب
قلت لهم
والدنيا عتمة هناك كدة ليه؟
قالوا لي
دي حتة جديدة بتتخرب
قلت لهم
ومين الحاوي اللي بيتكلم دة؟
قالوا لي دة الوضع بيتقلب
وايه الهيصة اللي في الساحل الشمالي دي؟
قالوا لي
دي البقرة بتتحلب
قلت لهم وانتوا قلقنين كدة ليه؟
قالوا لي اصل بنلاعب الكاميرون
وخايفين نتغلب

ميدان الجيزة
ضَيعّت شوية سنين كدة ...
بَحب من بعيد لبعيد...
والحكاية مقّضيّانى ...
ومبسوط وراضى وسعيد ...
أفرح بأى حَاجة ...
واستنى هدُوم العيد ...
وبَعدين ضَيعّت شوية سنين ...
نفسى أبقى أشطر واحد فى الكيميا ...
مع أنى مش فاهم ميدان الجيزة ...
والحياة رغم قسوتها ...
شايفها لذيذة ...
وضيعت شوية سنين بقى ...
نفسى أعدَّى اختبارات الكورة ...
فى النادى الأهلى ...
واشتغل فى وكالة ناسا ...
وابقى واحد من العلماء المهمين ...
وبعدين ضيعّت شوية سنين ...
منتهى أملى كرسى فاضى ...
فى أُتُوبيس تلات خَمسات ...
عين الصيرة أم المصريين ...
وضيعّت شوية سنين ...
عايز أفهم الفرق ...
بين النّكسة والهزيمة ...
والاحترام وقلة القيمة ...
وأبقى نجم سيما ...
م المشهورين ...
وبعدين ضيعت شوية سنين ...
واقف عند نظرية المؤامرة ...
لـا عارف اعيش ف الزمالك ...
ولا راضى أعيش فى غمرة ...
ومش عارف لية الحشيش ممنوع ...
مدام مصرحين بالخمرة ...
وياترى بقى أتجوز ...
واحدة بيضة ولا سمرة ...
ولا اسأل فيها ...
رجال الفتوى والدين ...
وضيّعت شوية سنين ...
مركز ف السّيراميك ...
والبيبان والشبابيك ...
وألوان الحيطان ...
وده بيج وده سن فيل ...
والموضة الأصفر ...
وقشر الموزة ...
وضيعّت شوية سنين ...
لا انا بحر ولا نيل ...
حاجة كدة بعيد عنك ...
ملهاش عُوزة ...
ولمّا بقيت كام وخمسين ...
لقيتنى لسّه ...
بَحَب من بعيد لبعيد ...
وبرضُه مش فاهم ...
مِيدان الجيزة
الواد ابنى ابو لسان طويل
قالى
يعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نزل طالع...
وشويا حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لاء
مش مسافر...
.....
منين الكحه دى يا بابا...
دى عمر..!!
ولابرد...
ولا سجاير..!
انت عارف يا بابا انا بقالى اد ايه بستناك؟؟
ايه يا بابا
انت هاتعيط ....
ده انا كنت بهزر معاك...
كنت بهزر معاك

حَظّك اليوم...
تيجى نحسبها نلاقيها...
إحنا فيها...
لفّ واتفرج معايا...
ع اللى نايم...
واللى صاحى...
واللى طافى النور وصاحى...
واللى بتسليه جراحى...
واللى قال فات الكتير...
واللى طاير...
بس مكسور الضمير...
ع اللى مشغول بالدولار...
واللى ضيّع نص عمره...
فى كام بهيمة وكام حمار...
واللى قال الأرض باقية
واللى طُور مربوط فى ساقية...
واللى لسه قميُصه ناقص زُرار...
وفى ثوانى...
مات كيلانى...
كل واحد فينا قام يحسبها تانى...
اللى نايم واللى صاحى...
واللى بيفكر ينام...
كله قام...
أد إيه ف العمر باقى...
يسوى كام...
أما شاعر بايخ...
جىّ ليه تشعللها نار...
يلّلا نهرب من قساوة الجَدَّ...
ونضيع ف الهزار...
ف العصير والفطير...
واللى لسه قميصُه...
ناقص فيه زُرار

مش أنا امبارح
رحت من بيتنا في السيدة
للشغل في حلون
في سبع دقايق
لا شوفت حد زعلان
ولا حد متضايق
والورد إنسان
والنخل متعايق
والناس جميلة مؤدبة
والجو رايق
والدنيا ماشية لوحدها
ولا حد سايق
ومش انا
امبارح برضه
رجعت من الشغل في حلوان
لبيتنا في السيدة
في خمس دقايق
لا حاسس بغربة
ولا شايف غريب
وقلبي ابيض حليب
عندليب
كروان فرحان
شايل ف قلبي وف جيوبي
الفرح أشكال وألوان
وزعت ع الشوارع
والبيوت والجيران
وطلعت البيت
ضربت الجرس
فتحت مراتي وبالأحضان
والعيال كمان فرحانين
ناجحين وجايبين
الدرجات النهائية
من غير دروس خصوصية
قمنا رقصنا وغنينا
واحتفلنا واتغدينا
فضلة خيرك
سمك واستاكوزا
وجمبري م الكبير
وحلينا ب مهلبية
وشربنا الشاي كمان
وفجأة
لقيتني بردان بردان
بصيت لقيت
الشباك مفتوح
ومفيش بطانية
ومراتي جنبي وزي ما هيه
لسة بتعاني من آلام المفاصل
وده اللي حاصل
والحمد لله
على كل شيء

سلك عريان...
أقولك حكاية...
يمِكن مَتصدقهاش...
النور قاطع ف شارعنا...
من سنين ولسّه مجاش...
عارف ليه...
آه والعيش والملح...
زى ما بقولك كده...
ودوَّرنا كتير مخلَّيناش...
وملقيناش...
غير سلك عريان مكشوف...
واقف ف العتمة مكسوف...
ساكت آه...
لكنَّه مبينساش...
لمَّا الماسورة اتخرمت...
وربطناها بحتة قماش...
ولكل جرح بينزف...
شوية بن...
ولو البن غالى بلاش...
إيه ياعم...
إحنا كل ده ف ميدان التحرير...
لسَّه متحركناش....
آه والعيش والملح...


خايف ابص من الشباك فجأه ومالاقيش مصر
خايف اقلق باليل كده زى ماقلق او على وش الصبح انا وظروفى بقى بعد العصر
وافتح الشباك وابص مالاقيش مصر
اعوذ بالله من الشيطان الرجيم ياخى فال الله ولا فاللك طب وانت مالك
يعنى بيتنا اللى بيطل على النيل ده
هيطل على فراغ دانتا دماغ
ويبقى بلدنا اسمها التجمع الخامس والمجاوره خمستاشر ؟مش هينفع
خايف ابص من الشباك مالاقيش مصر
لمت هدومها وخادت حاجاتها قرفت
فشت تعبت
لمت هدومها وخدت هرمها على نيلها وطفشت وحلفت ميت يمين ماهى قاعدالنا
مابينى وبينك برضه احنا زودناها كاننها استعمرنا ورثناها
هى دى البنت الاموره اللى كانت زى القمر
فجأه كبرت عجزت وبان عليها الكبر
خايف ابص من الشباك فجأه ومالاقيش مصر

جاتك القرف
علي حد علمي
احنا و اسرائيل حبايب
و فيه سلام و ما فيش حرب
طب الظباط و العساكر دول بيعملوا ايه
في ميدان طلعت حرب
ده بنت و ولد نازلين يشوفوا بلوزة تليق ع الايشارب
بيحلموا .. بيغنوا
و احلي ما فـ غناهم انه طالع من القلب
من امتي العشق كان بيموت من الخوف
و منا امتي الحلم كان بيخاف من الضرب
يا كابتن
يا باشا
خليك ابن بلد
هوه انتا ما عندكش اخوات
صبيان
و لابنات
يعني انتوا كل عيلتكوا ظباط
يعني انتوا اصحاب اكاديمية الشرطة
و اصحاب الشوارع
و الميادين
و المحلات
و اصحاب البلد
طيب
طب ان هاخرم من التحرير لدار القضاء العالي
هاكل كشري و اخش سيما
مالك بقي و مالي
معايا بطاقة و خلصت الجيش
بتسمي ده أكل عيش؟
يبقي عرفتك
طب عريني بقي
فتشني
قطع لي هدومي
و افحصني
و خلصني
لا انت اول و لا اخر واحد
عارف
انا مرة القطر عدي و داسني
و ما متش
عشق الحياة ماهوش ترف
عرفت ايه معني الشرف
جاتك القرق
جاتك القرف

[احمد شوشه]

دي مجموعة كبيرة من أشعار علي سلامة

[د. ياسر نجم]

جميل فعلا..

[احمد شوشه]

جميل فعلا..

الأغاني انشاء الله هتعجبكم أكتر

[د. ياسر نجم]

الأغاني انشاء الله هتعجبكم أكتر

مانا باقول بعد ما شفت الاغانى..

[احمد شوشه]

عظيم كسبت وجيه عزيز مستمع جديد
يا مسهل

[علياء أبو العلا]

اول مرة سمعت وجيه عزيز منذ أكثر من سنة
وكانت اغنية " زعلان شوية" ونزلت بعدها باقي الالبوم
وسمعت طبعا " ماقص حته" بس ما قدرتش لغاية دلوقتي انزله
علي فكرة يا جماعة وجيه عزيز ليه حفلات في ساقية الصاوي في الاوبرا ويتم الاعلان عنها عن طريق موقعه علي النت
اول ما تسجل ايميلك بيبعتوا علي طول مواعيد الحفلات واخر تطورات وجيه عزيز
نفسي الاقي فعلا البوم " ناقص حته" يعني لو ممكن يا استاذ احمد شوشة
كمل جميلك بعد فتحك للموضوع الجميل ده وادينا لينك ولا حاجة اصل انا فاشلة في الحاجات دي شوية
وجيه عزيز .. فنان احترمه بصدق

[احمد شوشه]

حاضر
هو ليه 3 شرايط كلهم أحلى من بعض
انشاء الله انزل روابط كل الأغاني

[احمد ماشالله]

أنا اصلي زعلان شوية
مالك ؟
قلقان شوية
من ايه ؟
زهقان شوية
على ايه ؟
أنا أصلي زي بقيت الناس
ماشى كده عايش وخلاص
بتجنن واتحير واتلغبط واتغير
واقول يا نااااااااااس
قلقان شوية
علي ايه ؟
زعلان شوية
من ايه ؟
اهو يعني شوية
من ايه ؟
انا اصلي زي بقيت الناسس
الضحك شكل البكي خالص
تلامذة وفصول ومدارس
يا منجا ليه طارحة في مارس
مالك ؟
زعلان شوية
من ايه ؟
قلقان شوية
علي ايه ؟
حيران
ليه ؟
انا اصلي زي بقيت الناس
انا اصلي كنت زمان حبيب
وشعر ايه وغني ومكاتيب
ليه كل مامسك هي تسيب
مالك ؟
زعلان شوية
من ايه ؟
قلقان شوية
على ايه ؟
حيران شوية
طيب !
انا اصلي زي بقيت الناس
الليلة مبسوط شوية
يا سلام !
فرحان شوية
على ايه ؟
اهو يعني شوية
من ايه ؟
انا اصلي فايت علي بيتها
لقيت عيوني ولقيتها
وقالتلي ايييييييييييييييييييييييييه !
يخرب بيتها !
مالك ؟
فرحان شوية
من ايه ؟
قلقان شوية
علي ايه ؟
شوية كده شوية
اوكيه
انا اصلي زي بقيت الناس
ماشى كده عايش وخلاص
بتجنن وأتحير وأتلغبط وأتغير
واقول ياناس
زعلان شوية
مالك ؟
وفرحان شوية
علي ايه ؟
زهقان
من ايه ؟
كده يعني شوية
كده ليه ؟
اهو يعني شوية
يا سلام !
مبسوط شوية
ماشى
شوية كده شوية
طيب
اه شوية
اه
تعبان
ممممممممم
لا حلوة فعلا كلمات جديدة ولحن شرقي اصيل قريب من الحان فاروف الشرنوبي- فاروق مش صلاح الشرنوبي - و احمد منيب بس من غير تأثير للموسيقي النوبية وصوت شجي
انا كنت فاكرك الملا احمد شوشة طلعت صاحب شركة انتاج شوشة فون

[احمد شوشه]

لا الملا دي شغلانة بعد الضهر لزوم تزويد الدخل

[احمد شوشه]

انا وجيه عزيز ده يا أحمد عملي مصالحة مع الغنا والموسيقى

لإن في الحقيقة لما بقيت أسمع لمنير شريط ورا شريط ومحسش بولا أغنية كنت مفكر إن أنا اللي اتغيرت وفقدت القدرة على الإحساس انما لما سمعت وجيه عزيز تأكدت ان العيب في منير مش فيا..
وتأكدت أكتر لما سمعت وجيه بيغني ايديا في جيوبي خصوصا ان وجيه صوته طبعا مش أجمل من منير أبدا أبدا لكن هو حسها منير لأ.

لكن ده ميمنعش اني بحب عمرو دياب جدا جدا تقدر تقول ان عمرو دياب بالنسبالي رمز الحياة ومعجب بتامر حسني ومقدر ومحترم حب الشباب ليه.

[احمد شوشه]

زعلان شوية (http://www.wagihaziz.com/albums/zaalan/01%20-%20za3lan%20shewaya.mp3)
لو تروح (http://www.wagihaziz.com/albums/zaalan/02%20-%20Law%20Tro7.mp3)
قول معايا (http://www.wagihaziz.com/albums/zaalan/04%20-%20Ool%20Ma3aya.mp3)
سلم يا عاشق (http://www.wagihaziz.com/albums/zaalan/06%20-%20Salem%20Ya%203ashe2.mp3)

[احمد شوشه]

بالليل
01 - مؤقتا (http://www.wagihaziz.com/albums/bellil/01%20-%20mo2aqatan.mp3)
02 - بغيب (http://www.wagihaziz.com/albums/bellil/02%20-%20ba3'eb.mp3)
03 - ساكته ليه (http://www.wagihaziz.com/albums/bellil/03%20-%20sakta%20leah.mp3)
04 - توته (http://www.wagihaziz.com/albums/bellil/04%20-%20tota.mp3)
05 - نفس الاحساس (http://www.wagihaziz.com/albums/bellil/05%20-%20nafs%20el%20e7sas.mp3)
06 - بالليل (http://www.wagihaziz.com/albums/bellil/06%20-%20bellil.mp3)
07 - علي فكرة (http://www.wagihaziz.com/albums/bellil/07%20-%203ala%20fekra.mp3)
08 - شوية هموم (http://www.wagihaziz.com/albums/bellil/08%20-%20shewayet%20hemom.mp3)
09 - معرفش ليه (http://www.wagihaziz.com/albums/bellil/09%20-%20ma3rafsh%20leah.mp3)
10 - فنان فقير (http://www.wagihaziz.com/albums/bellil/10%20-%20fannan%20fa2er.mp3)

[احمد شوشه]

هتعملوا سيرش على يوتيوب هتلاقوا ليه حجات كتير وكلهم احلى من بعض
بس في الفيديو احرصوا على ايديا في جيوبي
وعلى زعلان شويه

[احمد شوشه]

من حقنا نحلم ... ولو كده و كده
من حقنا نحلم ... ولو ولو كده و كده
و نشوف الدنيا حلوة ... مع أنها مش كده


نفرح حبة ثوانى ... و أصرخ و أقول بحبك
وتقولى قولها تانى ..قولها تانى.. قولها تانى
نفرح حبة ثواني ...

من حقنا نحلم .. و لو كده و كده

نعسان ده ولا ساكت و ثاير
بردان ده ولا دا دور وداير
و ده احنا ولا الكل حاير


من حقنا نحلم .. نحلم بس و خلاص
ونقوم الصبح عادى ونقابل نفس الناس
من حقنا نحلم .. نحلم حتى ف سكات
ونشوف حاجات حاجات .. مثلاً


مثلا ..الناس سعيدة .. و شاطرة مش بليدة
وقريبة وبعيدة .. بتحضن بعضها ..
مثلاًُ


مثلاً .. مفيش جراح و الخنقة بقت براح
وانا لو تعبت ارتاح فى حضن قلبها
مثلا ..


مثلاً .. الكون جميل
والنيل بقي ألف نيل
وطن مالوش مثيل فى الدنيا كلها

من حقنا نحلم ... ولو كده و كده
و نشوف الدنيا حلوة ... مع أنها مش كده

[احمد شوشه]

وآدي شريط ناقص حتة
المرايا (http://song6.6arab.com/wajeeh-3azeez_Al-Meraya.rm)
بعدين (http://song6.6arab.com/wajeeh-3azeez_Ba'aadein.rm)
حاجات ومحتجات (http://song6.6arab.com/wajeeh-3azeez_Hagat-We-Mehtagat.rm)
ساعات المطر (http://song6.6arab.com/wajeeh-3azeez_Sa'at-El-Matar.rm)
عم سالم (http://song6.6arab.com/wajeeh-3azeez_'Am-Salem.rm) غيرة (http://song6.6arab.com/wajeeh-3azeez_'Eira.rm)
متجرحوش الورد (http://song6.6arab.com/wajeeh-3azeez_Mategrahoush-El-Ward.rm)
ملناش غير بعض (http://song6.6arab.com/wajeeh-3azeez_Malnash-Gheir-Ba'ad.rm)
من حقنا (http://song6.6arab.com/wajeeh-3azeez_Men-Ha'ena.rm)
ناقص حتة (http://song6.6arab.com/wajeeh-3azeez_Na'es-Hetta.rm)
يمكن أضحك (http://song6.6arab.com/wajeeh-3azeez_Yemken-Adhak.rm)

كده يبقى ناقص في اللي انا سمعته بقية شريط زعلان شويه ورياعيات جاهين هديكم لنكاتهم انشاء الله

[علياء أبو العلا]

يا سلااااااااااااااااااااااااام
ربنا يخليك يا استاذ احمد
بجد انا مكنتش عارفة انزل البوم ناقص حتة ده

[احمد شوشه]

العفو يفندم وانشاء الله اكملكم المجموعة