مؤتمرا صحفيا نظمه أهالى دمياط فى مكتب أ/ عصام سلطان

[هنا صابر]

أهالي دمياط يواجهون «الشركة» في القاهرة: سنعتصم في موقع المصنع

كتب مروي ياسين ١٥/٥/٢٠٠٨
جريدة المصرى اليوم


نظم عشرات من أهالي دمياط، مؤتمراً صحفياً أمس، للرد علي مؤتمر شركة «أجريوم» في مكتب عصام سلطان، القيادي بحزب الوسط «تحت التأسيس».
وهدد الأهالي بالاعتصام في أرض المشروع، معتبرين أن حرمانهم من مؤتمر «أجريوم»، يؤكد أنهم علي حق، وكان من بينهم رئيس وأعضاء المجالس المحلية وأعضاء من الحزب الوطني وممثلون عن الأحزاب المعارضة والنقابات بدمياط.
وقال ناصر العمري، منسق اللجنة الشعبية لمناهضة «أجريوم»: «ما حدث اليوم من منع للقوي الشعبية بدمياط من المشاركة، لا يعني سوي أن هناك حواراً من طرف واحد فقط، مما يؤكد أن رسالة الشعب الدمياطي قد وصلت، وهي أننا رافضون لإقامة هذا المشروع، ونرجو من الشركة الكندية أو أي مستثمر آخر، إقامة أي مشاريع سياحية بالمنطقة بما يتناسب مع طبيعتها».
وقال العمري: «إن الخطوة القادمة التي سيقوم بها المجتمع المدني، هي أن الشعب الدمياطي سيتحرك في اعتراضه السلمي من خلال اعتصامه بموقع المشروع»، مضيفاً: «لن ينشأ المشروع في رأس البر إلا علي جثث الدمايطة».

[اشرف شلبي]

أنا موش عارف البلد دي حكومتها مصريين زينا والا جايين يحرقوا دمنا مفيش مرة يغلطوا ويقفوا مع أحلام ورغبات الناس ...قاعدين بمنتهى الخباثة لابدين في المغارة على أمل إن الناس تزهق وهم يتسللوا مع الأشقاء الكنديين ويطلعوا بالمشروع ...بس هما مين ...دول الدمايطة يابا:040:...ووراهم شعب مصر كله ...ده عشم إبليس في الجنة.

[حسام الدين خلف]

نتمنى ان يصمد شعب دمياط الى النهاية
وانا متاكد انهم سوف يفعلون

وسوف تضع الحكومة فى مازق كبير

معركة مدنية متحضرة لا تملك ان تبطش بها تحت اى حجة:^

[shanaa]

المصانع تقام على اراضى زراعية وشركات الاسمنت وسط المناطق والسحابة السوداءتغزو اعيننا وصدورنا حسبنا الله ونعم الوكيل ،
هو ده الشعب المصري الايجابي ،وياريت كل واحد يتحرك ويدافه عن حقه
والله الحكومة ما بتيجي غير كده .

[اشرف شلبي]

على فكرة أنا لسه جاي من دمياط حالا ...دمياط دي حاجة يفخر بيها كل مصري ..أنا كنت فاكر جرايد المعارضة بتبالغ شويه ...لأ يا جماعة ..ده مفيش مبنى تقريبا في الشوارع اللي مشيت فيها إلا وتلاقي عليها يافطه قماش بحجم كبير ..ومكتوب عليها عبارات من قبيل :لا للمصنع المدمر ...هل جئتم لتقتلونا لن نكون مقلب للنفايات ...شعارات قوية وكلها تحدي ...المهم لو كلمت دمياطي تلاقيه بيتكلم وكأن هذا الإحتجاج شيء عادي وموش جرأه على الحكومة بالعكس ...سواق التاكسي ...قاللي دي حكومة يتستهبل ...واقفة ساكته وسايبه الخواجات ماشيين في البنا..وفيه كلام على إن المعدات أبحرت من مينا القيام محملة بمعدات المصنع وجايه في السكه ...بس مين ؟(ده السواق بيقول ) والله لنولع في المصنع ثم تدارك حين حذرته من خطورة ذلك على المحافظة ويمكن الجوار كمان ....قاللي "خلاص إحنا بنفكر نلم بعضينا ونعتصم في أرض المصنع ثم قال معقبا إنت فاكر إيه يابيه ده الايريال بتاع المحمول اللي كان فوق العمارات وبيعمل بلاوي... لمينا شباب من الورش قاموا كسروه كله لما مانفعش الذوق معاهم ...هوه فيه حد حيقدر على الناس لما يبقوا مع بعض..............كلام بسيط ومشاعر عفوية ...جايز ماتعجبش البعض ...لكن في وداني زي المزيكة

[احمد شوشه]

على فكرة أنا لسه جاي من دمياط حالا ...دمياط دي حاجة يفخر بيها كل مصري ..أنا كنت فاكر جرايد المعارضة بتبالغ شويه ...لأ يا جماعة ..ده مفيش مبنى تقريبا في الشوارع اللي مشيت فيها إلا وتلاقي عليها يافطه قماش بحجم كبير ..ومكتوب عليها عبارات من قبيل :لا للمصنع المدمر ...هل جئتم لتقتلونا لن نكون مقلب للنفايات ...شعارات قوية وكلها تحدي ...المهم لو كلمت دمياطي تلاقيه بيتكلم وكأن هذا الإحتجاج شيء عادي وموش جرأه على الحكومة بالعكس ...سواق التاكسي ...قاللي دي حكومة يتستهبل ...واقفة ساكته وسايبه الخواجات ماشيين في البنا..وفيه كلام على إن المعدات أبحرت من مينا القيام محملة بمعدات المصنع وجايه في السكه ...بس مين ؟(ده السواق بيقول ) والله لنولع في المصنع ثم تدارك حين حذرته من خطورة ذلك على المحافظة ويمكن الجوار كمان ....قاللي "خلاص إحنا بنفكر نلم بعضينا ونعتصم في أرض المصنع ثم قال معقبا إنت فاكر إيه يابيه ده الايريال بتاع المحمول اللي كان فوق العمارات وبيعمل بلاوي... لمينا شباب من الورش قاموا كسروه كله لما مانفعش الذوق معاهم ...هوه فيه حد حيقدر على الناس لما يبقوا مع بعض..............كلام بسيط ومشاعر عفوية ...جايز ماتعجبش البعض ...لكن في وداني زي المزيكة
:012::012::012:
اساسا دمياط بلد تستحق الفخر .. بلد مفيهاش بطالة وكل اهلها بيشتغلوا ومنتجين ومصدرين وشاطرين .. تحس انها مصر تانية .. وبصرف النظر عن عصام الحضري فيجب اننا نفخر ان دمياط دي في مصر:fun