الدستور تنشر :"عصام سلطان..محام ضد الفساد"

[هنا صابر]

نشرتها جريدة الدستور المصرية فى عددها اليومى بتاريخ 25/5/2008

http://montada.alwasatparty.com/imgcache/3588.imgcache.jpg

[احمد شوشه]

الحقيقة عصام سلطان ده شخصية ظريفة جدا
وأنا من المعجبين بيه .
بس أوقات بيحصلي شلل منه لما بحس انه شغلته الوحيدة انه يحارب الإخوان.

[اشرف شلبي]

عادي ياأستاذ أحمد مانتا ومعظم المنتدى بتهاجموا الثورة وعبد الناصر وحاطين عليهم كل بلاوي البلد وأنا مختلف معاك في النظره السلبية جدا دي بس مابيجيليش شلل ولاحاجة آدي أيدي آهيه وآدي رجلي آهيه بيتحركوا عادي....الشلل ياأحمد ييجي فعلا لما الواحد يسمع شخص نصاب وحرامي ومرتزق بيكلمك عن حقوق الناس ....ولما واحد ماتأخذنيش بدقن ومتجوز أربعة ويطلق واحدة علشان نفسه يتجوز وكرشه مليان من فلوس الفتاوى ....ويقولك وعيناه تفيض من الدمع ...أنا متأثر من حال شبابنا ....آه والله يامولانا ...ولكن ياولاد من لم يستطع الزواج فعليه بالصيام فهو وجاء له....أو ذلك الأرزقي الباشكاتب رئيس التحرير الذي بتكلم عن عصر الطهارة والنقاء والرخاء والنماء ويفضل يمأ مأ والشعب يمأ مأ وراه وهو عمال يلم ويحسب بالحسابه (على رأي عادل إمام )هو لم كام النهارده ....المهم اللي يخلي الشلل رباعي ويجعل البني على وشك الوفاة بهبوط حاد في الدورة الدموية ...إن في جمهور وناس بتسقف وبتدعي لمولانا وناس كتير بتشتري ورق مليان حبر زي السم .....الشعب المصري يااحمد ...هو اللي عيخلص علينا.

[احمد شوشه]

هههههههههه
احرجتني

لا انا الشلل بيجيلي لإني بحب عصام سلطان ومعجب بيه فعلا فبتعصب أوي لما ألاقي ناس بتوظفه ولما الاقيه ماشي في طريق وبيخوض معارك تنقص أكتر مما تزيد شوفت معركته الأخيرة دي نبيلة أد ايه وهو استفاد منها شخصيا اد ايه والي تابعوا الموضوع ناس كتير عرفوا بمحامي شاطر مش بس شاطر انما مجرم وشريف ومخلص.
احسن ميعرفوه بإنه الراجل اللي بيشتم في الإخوان يمكن كان في ناس متهيألها انه مكتوب في بطاقته أمام المهنة شتيم إخوان.
في حين انه مكتوب في بطاقته محامي واللي نسيوا يكتبوه انه محامي محترم وشريف.
وده يبحصل كتير والحمدلله
انما هو كمان شخص يمتلك كاريزما وده مبيحصلش كتير.

[احمد شوشه]

الحجات اللي انت قلتها الأجيال اللي بعدنا لما هتقرأ تاريخ مصر وتتعرف على حالتنا هما اللي هيتشلوا مننا بجد وهيشمئذوا مننا أوي.

[اشرف شلبي]

طبعا ...الواحد عايز يلحق يعمل حاجة يصلح الصورة المنيله دي قبل مايموت...ونتفضح وسط أحفادنا.