شيكاجو..... وحسبي الله ونعم الوكيل

[تامر دياب]

قرات مؤخرا رواية شيكاجو التي حازت علي أعجاب (طوب الارض) علي ما اسمع وأخذت جوائز ودخلت مهرجانات فقلت والله أنا عايز اعرف بيقول ايه عم علاء الاسواني فيها يا تري هتبقي زي عمارة يعقوبيان ولا ايه ؟
واشتريت الكتاب وبدات أتصفحة وانا في طريقي الي مدينة الأقصر في رحلة عمل ( وياريتني ما فكرت افتحه )
أولا: اعلق تعليق بسيط علي الاستاذ جلال أمين فهو صاحب الكلمة علي غلاف الكتاب فاجد كلاما أقسم انه لو اراد ان يكتبه علي قرآن جديد فلن يخرج منه ذلك الثناء والموافقه علي ما تحتويه الرواية من..............( وربنا انا مش عارف اقول من ايه ؟ )
ثانيا في ايجاز شديد
أردت ان اوجه كلمة مثل كلمة الأستاذ جلال أمين ولكن علي طريقتي أنا للاستاذ المبجل علاء الأسواني
شيكــــاجو
رواية بها ابداع شديد في كيفية الاثارة الجنسية وهي لا تصلح إلا كأهداء لعاهرة قبل مواعدتها كبداية لعلاقة معها ,فقد تفنن الأستاذ علاء الأسواني في وصف عورات المرأة والرجل أكثر من رؤيتها.
أستاذ علاء انت حقا موهوب ومبدع ولكنك تستغل موهبتك وابداعك في أثارة المجتمع والشباب وتلعب علي وتر الجنس ( عشان تاكل عيش ) وتستغل ضعف الشباب والشبات بسبب تأخر الزواج في بيع نسخ اكثر من كتابك البذيء وجلب أموال لك سواء بالحلال أو من الحرام
كتبها

شخص لا يحترمك
تامر دياب

[احمد شوشه]

يا جماعة الموضوع ده مهم
ايه رأيكم في وراية شيكاغو ورواية يعقوبيان
الأستاذ أحمد ما شاء الله والأستاذ عصام والأستاذ أشرف والمشرفين والجميع تعالوا قولوا رأيكم لو كنتوا قرأتوا الروايتين دول.

وتعالوا نتناقش
هي الروايات دي كان وراها أفكار ولا كانت عرض لحالات من المجتمع والأفكار دي ايه رأيكوا فيها.
الاقتحام الجنسي الفظيع اللي في الروايتين مبالغ فيه ولا لأ وهل دي روايات بتثير الغرائز ولا لأ.
بشكل واضح انتوا مع ولا ضد..
أنا مش بسأل هل الإبداع بيحلل المحرمات ولا لأ ..
أنا بسأل هل الرواية دي من المحرمات ولا لأ

[احمد ماشالله]

للاسف لم أقرأ الروايتين وإن كنت قد شاهدت الفيلم المأخوذ عن رواية عمارة يعقوبيان ولذلك لا استطيع الحكم علي أي من الروايتين
ولكن بصورة عامة أكره الرقابة وأشعر بالدونية والنقص وعدم الأهلية حين يقال لي أن هناك شخص سيقرأ أولا أو يشاهد أولاً ليسمح لي أن أقرأ بعد أن يجيز هو المسموح بقرأته ويمنع الغير مسموح
وأعتقد أن داخلنا جميعا رقيب حين نكتب هذا الرقيب هو التراكم الديني والثقافي والبيئي وحين يشذ أحدنا أحيانا تلفظه الناس وتصلح له ما اعوج في كتابته دون منع أو حجر
ولا أعني هنا الروايات الجنسية او الأفلام الجنسية فهي خارج نطاق ماأتحدث فيه
ولكن مثلا كاتب كإحسان عبد القدوس رغم أني لا أميل اليه ولا أحب قرأته ورغم رفضي لحوارات بعض قصصه ودخوله غرف النوم احيانا بفجاجة ولكني مع ذلك لا أري مايجيز لي أن أمنع مايكتب ولكن يمكن لي معارضته والتعليق علي مايكتب علي العكس تماما من نجيب محفوط فهو لا يدخل إلي غرف النوم في قصصه وإن دخلها لا تشعر بأي فجاجة أو اشمئزاز مما يتناول في سرده فإحسان عبد القدوس كالروائية فرانسواز ساجان في فرنسا تتناول الحب و الجنس واحيانا بفجاجة ولكن مع ذلك أرى أن منع فكر أو أسلوب هو أنسب طريق لأنتشاره وأن اتاحته للقارئ واتاحة نقده هو انسب الطرق للتضييق عليه

[احمد شوشه]

انا معاك يا أستاذ أحمد في كل كلامك
أساسا الرقابة دي بقت كلام فارغ واللي بيحطوا رقابة بقوا بيضحكوا على نفسهم..
أنا من سنين كنت بدور على كتاب لمحمد الغزالي اسمه قذائف الحق ممنوع داخل مصر.
ده قبل تعاملي مع النت ,, من حوالي 10 سنين
والراجل بتاع المكتبة لما سألته عليه قالي كأني بطلب بانجو وهو تاجر مخدرات وطي صوتك .. انت حكومة ؟ قلتله لأ أمان .. قالي 25 جنيه وكان كتير اياميها على كتاب ديني قلتله ماشي قالي تعالى بكره الساعة 12 بليل
وفعلا .. المهم اني كل مكنت اكلم واحد عن الكتاب الاقيه قرأه..
الكلام ده قبل النت .. والكلام ده بينطبق على الروايات الجنسية والأفلام الجنسية كمان خلاص الموضوع خرج من أيد البشر معدش في بشر هيمنع بشر من الاطلاع على أي حاجة وللأسف كله كله..
والله يا أستاذ أحمد روايات عبدالقدوس مهذبة جدا جدا جدا بالنسبة لشيكاغو ويعقوبيان لكن أنا شايف إن الروايات تعرضت للجنس بقدر وجوده في حياتنا الراجل بيجيب عينة من الناس ويغوص في أعماقها مش على طريقة باولو كويلو لإنه بيتكلم بخلفية سياسية وبيعرض حالة المجتمع بتوسع شديد
وبعدين الأسواني بيعمل حاجة أنا اشيفها سر عبقريته إن كل الناس ليها منطق وهو قادر يخلي كل شخصية تتلكم بمنطقها.
يعني مثلا في بين القصرين أمينة مكنش ليها منطق والرواية ككل ماشية في طريق تنويري معين في ناس مقلوبة من غير ليه وناس معووجة من غير ليه وناس مستقيمة برضه من غير ليه,
انما الاسواني جاب منطق الإسلامي ومنطق تاجر المخدرات ومنطق البنت اللي بتبيع جزء من شرفها وهكذا ,,
والأسواني بيتعامل مع الجنس بقدره وبعد إذنكم الجنس قدره كبير أوي في الحياة البشرية,,
بجد يا أستاذ أحمد أتمنى إنك تقراهم وتقول رايك لإني أنا شخصيا محتار ..
وبالمناسبة الفيلم ده مسخ مشوه القصة بريئة منه .. القيلم شكل وحيد حامد انما القصة شكل مصر النهارده.

[د. ياسر نجم]

رواية شيكاجو فيها أوجه جمالية ابداعية كثيرة وفيها عيوب أيضا أدبية فنية وأيضا أخلاقية منها الوصف التفصيلى التجارى للمواقف الجنسية وكأنك تشاهد فيلم بورنو

[احمد شوشه]

ايوه المبدأ بقا هل في فن الرواية مقبول التعامل مع الجنيس بهذه الجرأة؟.

[د. ياسر نجم]

ايوه المبدأ بقا هل في فن الرواية مقبول التعامل مع الجنيس بهذه الجرأة؟.

على حسب مقبول عند مين ؟

[تامر دياب]

يا دكتور ياسر المبادئ لا تتجزأ وحضرتك أكيد عارف كده
يعني مفيش حاجة أسمها مش مقبول بالنسبة لمين في حاجة أسمها دين وعرف
هما دول الي يتحكم بيهم مقبول ولا لا ؟
والدين طبعا كلنا عارفين بيقول ايه بسم الله الرجمن الرحيم { إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون}صدق الله العظيم
والعرف برده عارفين إن ميصحش في المجتمعات الشرقية المصايب السودة دي
!!!

[احمد شوشه]

عند حضرتك يا دكتور ياسر ووفقا لقيمك اللي هي من منظور إسلامي

[احمد شوشه]

انا متفهم كلامك يا أستاذ تامر لكن هل وجود الجنس في رواية خصوصا في نطاق موضوعي يتساوى مع وجوده عبر الشاشة مثلاً..

[د. ياسر نجم]

يا دكتور ياسر المبادئ لا تتجزأ وحضرتك أكيد عارف كده
يعني مفيش حاجة أسمها مش مقبول بالنسبة لمين في حاجة أسمها دين وعرف
هما دول الي يتحكم بيهم مقبول ولا لا ؟
والدين طبعا كلنا عارفين بيقول ايه بسم الله الرجمن الرحيم { إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون}صدق الله العظيم
والعرف برده عارفين إن ميصحش في المجتمعات الشرقية المصايب السودة دي
!!!

علشان كده انا سألت مقبول عند مين يا أستاذ تامر..
انت شخص متدين وهو غير مقبول عندك...
غيرك مش متدين ولا يعنيه أن يكون فى روايته ذنوب وهذا ينطبق على القارىء وعلى الكاتب..

وبعضهم بيقول ان الله غفور رحيم وبعضهم بيقول انه مكن ترتكب ذنب فى سبيل هدف إصلاحى..

[د. ياسر نجم]

عند حضرتك يا دكتور ياسر ووفقا لقيمك اللي هي من منظور إسلامي

انت شايف ايه ؟:014:

[احمد شوشه]

الغمزة دي مخوفاني
الحقيقة الحقيقة
انا متعاطف مع الرواية.. وشايف ان تناول الرواية للجنس في اطار واقعي وموضوعي يماثل وجود ودور الجنس في الحياة أمر ممكن نقبله مع اعترافي بإن علاء الأسواني مزودها أوي في الوصف والتفاصيل بشكل ممكن تقليله بما يكفي لنقل الصورة.

مش هنا بس المشكلة .. في الرواية هل ناقل الكفر كافر .. يعني لما نسمع آراء متطرفة ومتجاوزة من أبطال في الرواية مع التأكيد أن الرواية بوجه عام لا تروج للفكرة جائز؟.
وأنا بتكلم بوجه عام.

أنا في الحقيقة مش مكون وجهة نظر كاملة .. ورأيي قاطع في السينما مثلا وقلت ده في موضوع عن فيلم الزوجة الثانية .. مهما كان الهدف نبيل فهذا أمر لا يحلل المحرمات أبداً ولا تجوز أي صورة محرمة شرعاً.
هل ده ينطبق بقا على الكلام اللي على الورق؟

[احمد شوشه]

انا كمان مش ببرر بإن الله غفور رحيم ولا إن نعديها لأجل هدف نبيل ولا اللمم بتاع جمال البنا ولا الأفلام دي؟

أنا بسأل ما هو محرم هل حدوثه في رواية بين أحداثها والرواية طبعا على الورق وليست على الشاشة يأخذ نفس الحكم؟
وأنا فعلا بسأل لإني فعلا مش قادر أكون رأي قاطع؟

[احمد شوشه]

طيب ليه الجنس حرام في الرواية بينما هناك محرمات أخرى يمكن أن تحتويها الرواية كالقتل مثلا او السرقة..
طيب لو اجبتني إن ذكر التفاصيل بيثير الغرائز والحقيقة ده كلام منطقي للغاية لكن ايه الحد الفاصل ين جنس يثير الغرائز وجنس لا يثير..
من اشهر الروايات في العصر الحديث وأنجحها وأكثرها تحقيقا للمبيعات 11 دقيقة ولو المعلومة دي غلط صححولي والرواية دي بتروي قصة عاهرة محترفة .. انا قرأتها تقدر تقول ان التفاصيل والإثارة التي تصنعها الرواية أقل بكثير من روايات الأسواني.
فهل يستساغ قصة عاهرة بدون تفاصيل مثيرة .. مع فرض أن الرواية تدين العاهرة مع مراعاة أن الروايات القوية لا تدين أحدا ولا تنظر لأحد.
عايزين يا جماعة مناقشة من غير تريأة ولا تلويح بعدم التدين..
كمان في فتاوى لعلماء في هذا الموضوع .. فتاوى مباشرة للقرضاوي مثلاً؟؟؟؟

[د. ياسر نجم]

الغمزة دي مخوفاني
الحقيقة الحقيقة
انا متعاطف مع الرواية.. وشايف ان تناول الرواية للجنس في اطار واقعي وموضوعي يماثل وجود ودور الجنس في الحياة أمر ممكن نقبله مع اعترافي بإن علاء الأسواني مزودها أوي في الوصف والتفاصيل بشكل ممكن تقليله بما يكفي لنقل الصورة.

مش هنا بس المشكلة .. في الرواية هل ناقل الكفر كافر .. يعني لما نسمع آراء متطرفة ومتجاوزة من أبطال في الرواية مع التأكيد أن الرواية بوجه عام لا تروج للفكرة جائز؟.
وأنا بتكلم بوجه عام.

أنا في الحقيقة مش مكون وجهة نظر كاملة .. ورأيي قاطع في السينما مثلا وقلت ده في موضوع عن فيلم الزوجة الثانية .. مهما كان الهدف نبيل فهذا أمر لا يحلل المحرمات أبداً ولا تجوز أي صورة محرمة شرعاً.
هل ده ينطبق بقا على الكلام اللي على الورق؟

تناول الرواية للجنس كان بشكل تجارى تفصيلى مثير جدا..يمكن اكتر من مشاهدة أفلام البورنو..
المبالغة دى هى اللى بتدخل فى اطار الممنوع..وغير المقبول...

أولا: مافيش فصل فى الرواية تقريبا بيخلو من هذا الوصف الجنسى التفصيلى...هل الجنس له نفس هذه المساحة فى حياتنا مقارنة بالأفكار والمشاعر والدوافع الأخرى اللى بتحركنا ؟

ثانيا: الذكر التفصيلى للأحداث الجنسية بيخدم العمل فى ايه ؟
مثلا الفصل الكامل اللى بيتكلم فيه عن مرات صلاح لما راحت اشترت الفيبريتور...الفصل الكامل ده لو اتشال من الرواية واتحط بداله سطرين..هل ده هايأثر على الرواية فنيا وأدبيا ؟
الفكرة ان فيه كاتب بيراعى الأمور دى وحاطط لنفسه ضوابط أخلاقية فى الكتابة..وكاتب تانى بيطلق انفسه حرية الإبداع بدون قيود..لكن علاء الأسوانى لا من دول ولا من دول..ده تعمد لتخطى الحدود بشكل مصطنع فيه تحدى أساء لجودة الرواية من وجهة نظرى..

ثالثا: طبعا المبالغة فى نقل أحداث عملية قتل مثلا بالتفصيل هايبقى سىء برضه لكن ماوصلش للجنس لأنه مش هايثير الرغبة الجنسبة فى القارىء بنقس الشكل..يعنى ماحدش هايقرا تفاصيل عملية دبح واحد هايروح يدبح بنفس الطريقة..
الجنس رغبة طبيعية المفروض الإنسان يهذبها..
لكن ده لا ينطبق على القتل والسرقة...
رواية التفاصيل الجنسية بالطريقة دى بيخللى الجنس يتوحش مش يهذب..

أما بالنسبة لموضوع نقل الكفر..فأنا ماباعتقدش فى الموضوع ده طالما ان الرواية ككل لا تروج له..لكن مش شايف انه حرام انى أنقل وجهة نظر الكافر سواء فى رواية أو فيلم أو مناقشة طالما انى مش هاروج لها..والأفضل انى ابين قبحها..أما تخبئة الر ءوس فى الرمال ومصادرة وجهة نظر الكافر فانا مش معاها..
أنا مع عرضها والرد عليها...

[احمد شوشه]

عظيم يعني انت رأيك مش متشدد في الموضوع ده انت معترض على المبالغة في إبراز التفاصيل بشكل تجاري مثير وأنا كمان قلت كده إنه بيدخلنا في تفاصيل مبالغ فيها أوي ووصف دقيق جدا هو في غنى عنه..
المشهد اللي انت ذكرته فعلا كان في مبالغة والبنت السوداء صاحبة الراجل الشيوعي لكن انا مش فاكر الأسماء وتفاصيل حملة الإعلانات اللي عملتها وهكذا .. مع إنه الموضوع من الآخر انها عملت اعلانات بورنو وانتهى الموضوع بتوقيع عقد محترم مقابل ليلة مع صاحب الشركة المعلنة.
مفيش داعي بقا لكمية التفاصيل المزعجة دي.
سؤالك انا مع إن الجنس ليه نفس المساحة في حياة البعض وبوجه عام الصور الموجودة في الرواية موجودة في الحياة وبشكل مش قليل فأنا في الحقيقة شخصيات الرواية اللي هي البنت الريفية المحجبة والولد الدحيح اللي دخلت في علاقة معاه والولد الثوري اللي كان جاي من مصر ودكتور الجامعة اللي كان عايز يقدم البيان للرئيس كانت بالنسبالي شخصيات من لحم ودم بطريقة فظيعة .. النماذج دي والمواقف دي انا شفتها في حياتي بطريقة رهيبة.
البنت المحجبة الملتزمة وهي بتقع وصراعاتها النفسية وطريقة تناول الأمور جواها واحاسيسها لما حصلتلها المشلكة .. الواد الدحيح وعدوانيته التي تهاوت في لحظة وأسلوب حياته اللي اتغير .. والواد الثورجي اللي كان جاي غاضب من النظام المصري .. كلهم نماذج منقولة بشكل مذهل من الحياة حتى النماذج الأخرى لكن انا علقت على دول لإني بشكل شخصي قابلت نسخ منهم بجميع التفاصيل وشفتهم بيمروا بنفس المواقف.
بالمناسبة علاء الأسواني انا متابعه كويس .. علاء معندوش مشاكل مع الدين زي غالبية مثقفي مصر ومتصالح معاه جداً وهو شخصياً من النوع اللي بينظر للحلال والحرام وبيراعية بشكل ما في حياته وتصرفاته لكن هو في الكتابة شيطان الكتابة بيتملكه بطريقة عجيبة وبيتنقل مع الشخصيات أينما ذهبوا وخصوصا على السراير..
لكن الغريب إنه بيهتم بتفصيلات معينة ومبيهتمش بأخرى .. يعني هو بيقفز فوق المواقف والحواجز ويقف عند العلاقات الجنسية وعند علاقات الفساد وبياخدهم بطريقة مملة مبالغ فيها.
لكن هو بيمتاز بقدرة مذهلة على سبل أغوار أبطاله بطريقة هو الأول فيها في كل الكتاب العرب المعاصرين في رأيي.
القرارات والمواقف بتيجي معاه من اعماق الشخصية مهما كانت فاسدة ومهما كانت سيئة..

ايه رأي بقية الناس؟

[تامر دياب]

يا استاذ أحمد
يعني الشعب المصري خلاص مشاكلة خلصت وبنحلله مشاكله الجنسية دلوقتي ؟!
نفسي افهم ايه الداعي لوجود الجنس بالطرق الفجة دي؟!
أنا قرأت كتب في الطب النفسي لإيزاك ماركس ومن ضمن ما قرأت المشاكل الجنسية ,بس قارن بين أسلوب د/إيزاك ماركس وقارن بين أسلوب علاء الأسواني الي مش بيعالج كمان زي د/إيزاك يعني ليس له مبرر
أسلوب دكتور إيزاك كان مبدع بمعني الكلمة يعني الراجل مسبش حاجة متكلمش عليها فعلا بالتفصيل ولكن دون أدني إثارة
أما بالنسبة لوجود الجنس في الرواية أو في التليفزيون يعني لو سؤال حضرتك مقصود بيه أيهما أفضل فأنا أرفض المقارنة بين سيئتين !
ما يجبرني من الأصل أني أقارن أو أفضل أو أيهما أقل ضرر ,الاتنين فيهم ضرر ومع الوصف البشع مثل استاذ علاء الاسواني فالرواية أبشع لأنها رواية تتفنن في دس السموم داخل ملعقة عسل أما التليفزيون فلن نجد عمل كان بيه كل هذا الانحراف الأخلاقي ولو كان هناك أعمال تجاوزت فلم تصل بعد لما ذكره أستاذ علاء

[تامر دياب]

ياريت يا استاذ احمد تقول علي فتوي صريحة ومصدرها كما ذكرت للقرضاوي
ثانيا شئ محير جدا أني أترك جميع القضاياالتي لا تنتهي بمصر ونتجه لمشكلة العاهرة ؟!!!:^
يعني هو خلاص المشاكل خلصت يا استاذ أحمد؟!
وما الشئ الذي يضطرني الي أن أقرا مثل هذا السفه في وسط ملئ بالكتب الرائعة سواء في الأدب أو غيره لماذا أجلس امام كتاب يثير الشهوة بداخلي أكثر مما يفيدني؟!!!
وحتي لو أراد أحد الروائين أن يعرضوا مشاكل جنسية في المجتمع ,إذا لم يستطع الروائي أن يصور تصوير كامل للحالة دون أستخدام هذه الأدوات القذرة فهو غير ناجح لأنه لا يجد طريقة للتعبير عما بداخلة غير هذه القذارات أو أنه يمتلك أدوات أخري ولكن هذه الأدوات القذرة
( هي الي بتأكله عيش )

[د. ياسر نجم]

عظيم يعني انت رأيك مش متشدد في الموضوع ده انت معترض على المبالغة في إبراز التفاصيل بشكل تجاري مثير وأنا كمان قلت كده إنه بيدخلنا في تفاصيل مبالغ فيها أوي ووصف دقيق جدا هو في غنى عنه..
المشهد اللي انت ذكرته فعلا كان في مبالغة والبنت السوداء صاحبة الراجل الشيوعي لكن انا مش فاكر الأسماء وتفاصيل حملة الإعلانات اللي عملتها وهكذا .. مع إنه الموضوع من الآخر انها عملت اعلانات بورنو وانتهى الموضوع بتوقيع عقد محترم مقابل ليلة مع صاحب الشركة المعلنة.
مفيش داعي بقا لكمية التفاصيل المزعجة دي.
سؤالك انا مع إن الجنس ليه نفس المساحة في حياة البعض وبوجه عام الصور الموجودة في الرواية موجودة في الحياة وبشكل مش قليل فأنا في الحقيقة شخصيات الرواية اللي هي البنت الريفية المحجبة والولد الدحيح اللي دخلت في علاقة معاه والولد الثوري اللي كان جاي من مصر ودكتور الجامعة اللي كان عايز يقدم البيان للرئيس كانت بالنسبالي شخصيات من لحم ودم بطريقة فظيعة .. النماذج دي والمواقف دي انا شفتها في حياتي بطريقة رهيبة.
البنت المحجبة الملتزمة وهي بتقع وصراعاتها النفسية وطريقة تناول الأمور جواها واحاسيسها لما حصلتلها المشلكة .. الواد الدحيح وعدوانيته التي تهاوت في لحظة وأسلوب حياته اللي اتغير .. والواد الثورجي اللي كان جاي غاضب من النظام المصري .. كلهم نماذج منقولة بشكل مذهل من الحياة حتى النماذج الأخرى لكن انا علقت على دول لإني بشكل شخصي قابلت نسخ منهم بجميع التفاصيل وشفتهم بيمروا بنفس المواقف.
بالمناسبة علاء الأسواني انا متابعه كويس .. علاء معندوش مشاكل مع الدين زي غالبية مثقفي مصر ومتصالح معاه جداً وهو شخصياً من النوع اللي بينظر للحلال والحرام وبيراعية بشكل ما في حياته وتصرفاته لكن هو في الكتابة شيطان الكتابة بيتملكه بطريقة عجيبة وبيتنقل مع الشخصيات أينما ذهبوا وخصوصا على السراير..
لكن الغريب إنه بيهتم بتفصيلات معينة ومبيهتمش بأخرى .. يعني هو بيقفز فوق المواقف والحواجز ويقف عند العلاقات الجنسية وعند علاقات الفساد وبياخدهم بطريقة مملة مبالغ فيها.
لكن هو بيمتاز بقدرة مذهلة على سبل أغوار أبطاله بطريقة هو الأول فيها في كل الكتاب العرب المعاصرين في رأيي.
القرارات والمواقف بتيجي معاه من اعماق الشخصية مهما كانت فاسدة ومهما كانت سيئة..

ايه رأي بقية الناس؟

قطعا علاء الأسوانى كتاباته من أبدع ما قرأت فى وصف الشخصيات وسبر أغوارها...ده مش محل شك ودى نقطة قوته الرئيسية...احنا متفقين انه كاتب مبدع للغاية..بل وتألقه فى وصف الجنس من أهم أدواته...ويمكن ده هو فى الوقت نفسه سبب انتقاده بشدة لأن قوته دى بتثير الشهوات فعلا..

ماعتقدش ان علاء متدين بالشكل اللى انت بتوصفه..
هو واضح من كتاباته انه مش ملحد أو متمرد على الدين بل وفاهم الكتير من أحكام الدين كويس اوى..
لكن ده مايمنعش انه مش ملتزم فى كتاباته..وصحيح ان الآراء المذكورة فى روايته بتعبر عن لسان حال الأبطال مش لسان حاله..لكن واضح جدا ان آراءه متوحدة مع بعض الشخصيات...زى شخصية زينب ورأيها فى عبد الناصر ورأيها فى الحجاب وزى ناجى اليسارى..تكاد تقسم ان آراء هذه الشخصيات هى آراء علاء نفسه..

[احمد شوشه]

الحقيقة انا محستش بده مع ناجي لكن حسيته مع زينب وهي بتحكي مستنكرة وبتقول تصور إن مفيش ولا واحدة مش محجبة غيري هنا في الشغل ..
بس يمكن يكون ده عبقرية منه انه محسسنا انها شخصية من لحم ودم
وبصراحة انا حسيتها مع ابن البواب في يعقوبيان حسيت ان علاء الأسواني جواه ارهابي دفين
انا ارجح ان ده اداءه العبقري هواللي اوحالنا بده

بالظبط هو مش ملحد ولا عنده مشكلة مع الدين وأنا مقلتش عليه متدين.

[احمد شوشه]

على فكرة يا استاذ تامر والله انت فهمت كلامي غلط..
يمكن انا مقلتوش كويس
لكن انا متفق معال في اللي انت قلته..